لێره‌دایت : په‌ڕه‌ی سه‌ره‌تا » ئۆپەرەیتین سیستەمی xp » فێرکاری یەکەم لە کردار و تایبەتمەندیەکانی ( My Computer ) لە ئێکس پیدا
فێرکاری یەکەم لە کردار و تایبەتمەندیەکانی ( My Computer ) لە ئێکس پیدا
نووسه‌ری بابه‌ت: هۆشمه‌ند صاڵح   
پێنج شەممە ، 16 / 07 / 2015 17:17
 

یەكێك لە ئایكۆنە هەرە گرنگ و پڕ بایەخەكان كەبە (My Computer) ناسراوە لە سیستەمی ئێكس پیدا ، لەم ئایكۆنەوە بەكارهێنەر دەتوانێت تەواوی تایبەتمەندی و بەش و پارچە و درایڤەكان ببینێت كە پەیوەست كراون ، مای كۆمپیوتەر گرنگترین دەروازەیە بۆ بەكارهێنەر تا بتوانێت بە تەواوی سوود لە ناوەڕپۆكی فرمانەكانی سیستەمی ئێكس پی ببینێت ، كاتێك ویندۆی (My Computer) دەكرێتەوە ڕوبەڕوی زۆرترین تایبەتمەندی دەبینەوە ، بەشی سەرەوەی بە مینۆیەك ڕازێنراوەتەوە كە زۆربەی بەشەكانی لە ویندۆكانی تردا دووبارە بونەتەوەو و ئامرازێكی یاریدەدەری زۆرخێراو سەركەوتووە تا لە ڕێگایەوە دەست بگرین بەسەر شێوازی دەركەوتنی بەشەكاندا ، لەسەرەتای مینۆكەوە كە لای چەپەوە بۆ ڕاست شەش بەشە بە (File) دەست پێدەكات و كاتێك ماوس دەبەینە سەر ئەم بەشە پێنج هەڵبژاردنی تێدایە كە لە باری ئاساییدا تەنها كۆتا هەڵبژرادن واتە (Close) چالاكە ئەوەش بەمەبەستی داخستنی ویندۆی (My Computer) ە .

 

 

بەشی ڕاستی ئەو مینۆیە بەتاڵە ئەگەر كلیكی راستی لەسەر بكەیت چوار هەڵبژاردن دێتە پێشمان هەر یاكێك لەو هەڵبژاردنانە ئەگەر نیشانەیەكی لەلای چەپیەوە بوو بەواتای چالاك بوونی دێت و ئەگەر نەشبێت كەوایە چالاك نیە بە كلیكێك چالاك دەكرێت و لەكار دەخرێت ئەو هەڵبژرانانەش لە پێناو دەركەوتن یان دەرنەكەوتنی ئەو بەشانەدان كە ئێستا باسیان دەكەم بەم جۆرە :

 

 

یەكەم (Standard button) :

شوێنی ئەم دوگمانە ڕاستەوخۆ لە خواری مینۆكەوە دێت كە لەزۆربەی ویندۆكاندا دووبارە دەبنەوە یاریدەدەرێكی باشن بۆ خێرا ڕاپەراندنی كارەكان و تەواوی ناوەڕۆكی فرمانی ئەم ئامرازانە لە ناو لیستی مینۆكەدا هەن بەڵام لێرەدا دووبارە دانراونەتەوە هەتا ئاسان تر كارەكان بە ئەنجام بگات سەرباری ئەوەی دەشتوانرێت ئەم ئامرازانە كەم و زیاد بكرێت

 

دووەم (Address bar) :

ئەم شوێنە بۆ پیشاندانی ڕێڕەو بەكاردێت كە بەكارهێنەر تێیدا كار دەكات ئەگەر نمونەیەك وەربگرین بۆ زیاتر تێگەشتن لەم بابەتە بەم جۆرەیە تۆ دەتەوێت فۆڵدەرێك لە ناو (My Documents) بكەینەوە كە چەند فۆڵدەرێكی تری تێدایە تۆ دەچیتە یەكێكی تر لەو فۆڵدەرانەوە فایلێك دروست دەكەیت لێرەدا واتە لە بەشی (Address) دەبینین ڕێڕەوی ئەو فایلە پیشان بەكارهێنەر دەدرێت تا دواتر بتوانرێت بە ئاسانی بدۆزرێتەوە ، سەرباری ئەوەش ئەگەر ئەم شوێنە بتوانرێت لە ئایندەدا وەك خۆی بنوسرێتەوە بە هەمان شێوەی ڕێگا كلاسیكیەكە دەگەییەنەوە پێ ی بێگومان پاش ئەوەی كلیك دەكەین لەسەر دوگمەی (Go) كە لەكۆتایی لای ڕاستی (Address) ئاماژەی پێدراوە .

 

سێیەم (Link) :

دەركەوتنی ئەم ئامرازە بە ویستی بەكارهێنەرە بەڵام خۆكارانە دیار نیە چونكە ڕاستەوخۆ بەهۆی هێڵێكی ئۆنلاینەوە دەتگەیەنێت بە كۆمەڵێك لینك واتە لەكاتێكدا بەسوودە كە تۆ پەیوەست بیت بە تۆڕی ئینتەرنێتەوە ، وەك دوگمەیەكی بچوك لای ڕاستی دوگمەی (Go) دەردەكەوێت ئەگەر چالاكی بكەین ئەو لینكانە دەبینین كە لە (Favorite) هەڵمان گرتووە لە ڕێگای ئینتەرنێت ئیكسپلورەوە .

 

چوارەم (Lock the toolbar) :

ئەو توڵبارانەی پێشتر باسم كرد لە باری ئاساییدا شیاوی شوێن گۆڕكێ نین چونكە ئەم بەشە خۆكارانە چالاك كراوە ، بەڵام ئەگەر ئەم ئامرازە ناچالاك بكەین ئەوا دەتوانین بە هۆی سیفەتی (Drag and drop) لە ڕێگای كارسەری ماوسەكەوە شوێنی (toolbar) بگۆڕین واتە سەرەوە بۆ خوارەوە یان ڕاست بۆ چەپ بە پێچەوانەشەوە .

 

 

ئەگەر لە سەر ڕوبەری (Standard button) كە لای ڕاستی بە بەتاڵی ماوەتەوە كلیكی ڕاست بكەین ئەوا جگە لەو چوار هەڵبژرادنەی پێشوو یەك هەڵبژرادنی تر دەبینین بە ناوی (Customize) ئەم ئامرازەش كاریگەری لەسەر دەركەوتنی ئەو دوگمانە هەیە كە لە (Standard button) دانراون واتە دەتوانین كەم و زیادیان بكەین ، بۆ ئەم مەبەستە كلیكی لەسەر دەكەین

 

سەرنج بدە لێرەدا ڕوبەری كاری (Customize) بۆ كراوەتەوە كە لە دوو بەش پێك دێت لای چەپ ناونراوە (Available toolbar button) و ئەو ئایكۆنانەی تێدایە كە بەردەستە بۆ زیاد كردن ، وە لای ڕاستیش ناونراوە (Current toolbar button) ئەو ئایكۆنانەی تێدایە كەئێستا چالاكە و دەتوانرێت لاببرێت وە هەر گۆرانكاریەك بكرێت لەم ڕوكارەدا ڕاستەوخۆ جێ بەجێ دەبێت بەسەر ویندۆكەدا .

ئەگەر بمانەوێت ئایكۆنێك زیادبكەین ئەوا سەرەتا ئایكۆنەكە دەستنیشان دەكەین و دواتر دوگمەی (Add) چالاك دەبێت ، ئێمەش كلیكی لەسەر دەكەین دەبینین دەگوازرێتەوە بۆ لای راست .

 

 

ئەگەر بشمانەوێت هەمان ئایكۆن یان هەر ئایكۆنێكی تر بسڕینەوە ئەوا لەسەر یەكێك لە ئایكۆنەكانی لای ڕاست كلیك دەكەین و دواتر دوگمەی (Remove) چالاك دەبێت هەربۆیە كلیكی لەسەر دەكەین و دەبینین دەگوازرێتەوە بۆلای چەپ ، واتا بەم شێوە ناچالاك دەبێت .

 

 

هەر لەلای ڕاستی ئەم ڕوكارە چوار دوگمە بەدی دەكرێت بەم جۆرە كارەكانیان كورت دەكەمەوە :

1- یەكەم (Close) بۆ داخستنی ئەم ڕوكارەیە

2- دوگمەی (Rest) بۆ گەارنەوەیە بۆ بارە ستانداردەكە

3- دوگمەی (Move up) بۆ بردنەوە سەرەوەی یەكێك لە ئایكۆنەكانە ، دواتر لە لیستەكەدا زیاتر نزیك دەبێتە لەلای دەستە چەپەوە ئەم دوگمەیە كاتێك چالاك دەبێت كە سەرەتا یەكێك لە ئایكۆنەكانت جالاك كردبێت بەكلیك كردن لەسەری .

4- دوگمەی (Move Down) پێچەوانەی دوگمەی سێیەمە ،

سەرنج بدە دوو (Option) لەبەشی خوارەوەدا هەیە ، (Text Option) یەكەمیانە دەست نیشانكردنی شیوازی دەركەوتنی ئەو ئایكۆنانەیە كە لە (Standard button) دەردەكەون  بەسێ پلان :

یەكەم (Selective text at right) پیشاندانی ڕونكردنەوەی كاری دوگمەكە لەلای ڕاستەوە بە وشەیەك ، ئەمە بارە ئاساییەكەیە .

دووەم (Show text label) نیشاندانی ئیشی دوگمەكانە بە تێكست .

سێیەم (No text label) پێچەوانەی دووەمە ، واتا لابردنی ڕونكردنەوەی دوگمەكان .

كاری دووەم (Icon Option) تەنها دوو هەڵبژرادنە ئەویش پیشاندانی ئایكۆنەكانی ئەو (Standard button) بە گەورەیی یان بە بچوكی .

 

 

 

لە لای چەپی ویندۆكەدا سێ بەش هەیە كە بەهۆی ئامرازێكی بچوكەوە لە (title bar) دا دەتوانرێت ناوەڕۆكەكەی دەربخەیت یان بیشاریتەوە ، بەشی یەكەم ناودەبرێت بە (System tasks) لەم بەشەدا

1- (view system information) بۆ پیشاندانی تایبەتمەندیەكانی سیستەمە كە من پیشتر بە دورو درێژی لەسەری ڕونكردنەوەم نووسیووە

2- (add or remove programs) بۆ سڕینەوەو زیادكردنی بەرنامەو هەندێك شتی تر لە باسی كۆنترۆڵ پانێڵدا بە درێژی ڕونكردنەوەم لەسەر نوسیووە

3- (Change settings) بۆ گەشتن بە كۆنترۆڵ پانیڵە بە تەنها كلیكێك

دووەم ناودەبرێت بە (other places) لەم بەشدا تەنها ئاماژەی بە چەند ئامرازێكی ترداوە كە لەچەند شوێنێكی جیاوازەوە دەتوانیت بچیتەوە هەمان شوێن ، بەم شیوەیە

1- (My Network Places) ئامرازەكانی نێتۆرك و تۆرسازی

2- (My Documents) بۆ گەشتن با داتاكانی ناو ئەم بەشەیە بە كلیكێك

3- بۆ كردنەوەی (shared folder) بە كلیكێك

4-  بۆ گەشتن بە (Control Panel) بە كلیكێك

سێیەم ناودەبرێت بە (details): لەم بەشەدا تەنها هەندێك زانیاری دیاریكراوێكمان پیشان دەدەت ، بۆ نمونە ئەگەر پارتێشنێك دەست نیشان بكەین ئەوا قەبارەی ئەو پارتێشنەمان بۆ دەست نیشان دەكات و لە بڕی بەتاڵ و داتاكانی ناوی ئاگادار دەبین .

 

 

کۆتایی بەشی یەکەم

تێبینی : لە فێرکاریەکانی ئایندەدا خاڵ بەخاڵ باسی هەموو پێکهاتەکەی دەکەم جاوەڕوان بن .

بۆچوونه‌كان (0)add
بۆچوونێك زیاد بكه‌
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
بچوككردنه‌وه‌ی | گه‌وره‌كردنی ڕوبه‌ری نووسین

busy
 

Internet Explorer 6 (IE6). ئاگادارکردنەوە بۆ بەکارهێنەری

تکایە ئاگاداربە ئەم ڕوکارە بە تەواوی پاڵپشتی پراوسەرەکەت ناکات هەوڵ بدە بە پراوسەرێکی تر کار بکەیت یاخود ڤێرژنی پراوسەرەکە بەرز بکەوە بۆ بەرزتر لە ڤێرژنی نۆ

تەنها چارەسەر نوێکردنەوەی پراوسەرەکەتە ئەم پراوسەرە لەوانەی بەشێك لە ماڵپەڕەکەت پیشان بدات یاخود هەندێك لە ناوەڕۆکەکەی ببینیت بەڵام ئەمە تەواوی تایبەتمەندێتی ڕوکارەکە نیە

پێم باشە سەردانی ئەم لینکە بکەیت بەمەبەستی نوێکردنەوەی پراوسەرەکەت Internet Explorer.