لێره‌دایت : په‌ڕه‌ی سه‌ره‌تا » ئۆپەرەیتین سیستەمی ڤێستا » فۆرماتکردن و دابه‌زاندنی ویندۆزی ڤێستا
فۆرماتکردن و دابه‌زاندنی ویندۆزی ڤێستا
نووسه‌ری بابه‌ت: هۆشمه‌ند صاڵح   
ڕۆژی شەممە ، 08 / 09 / 2012 03:00
 

فۆڕماتکردن و دابه‌زاندنی ویندۆزه‌کانی مایکرۆسۆفت تا ڕاده‌یه‌ک له‌یه‌ک ده‌چن به‌ تایبه‌تی دوای ده‌رچونی ویندۆزی ئێکس پی به‌ ته‌واوی بووه‌ به‌ ڕوکارێکی وێنه‌یی و هیچ کارێکی شاراوه‌ی تێدا به‌دی ناکرێت و له‌ ویندۆزی ڤێستادا به‌ته‌واوی ئه‌و ڕوکاره‌ وێنه‌ییه‌ بووه‌ به‌ رێچکه‌یه‌ک و له‌ سێڤن و ئه‌یت دا به‌ ته‌واوی دووباره‌ بوه‌ته‌وه‌ ، له‌م بابه‌ته‌دا باسی دابه‌زاندنی ویندۆزی ڤیستا ده‌که‌م و له‌ قۆناغێکیشدا باسی پارتێشن و دووباره‌ دروستکرنه‌وه‌ی پارتێشنه‌کان ده‌که‌ین ، ویندۆزی ڤیستا جیاواز له‌ ویندۆزه‌کانی تری مایکرۆسۆفت پێویستی به‌هاردوێری به‌رز هه‌یه‌و مه‌گه‌ر چۆن ئه‌گه‌رنا ده‌بێت هاردوێره‌کانی بۆ بگۆڕیت تا به‌ ته‌واوی سود له‌ تایبه‌تمه‌ندیه‌کانی وه‌ربگریت ، ویندۆزی ڤیستا چه‌ند ڤێرژنێکی لێ به‌رهه‌م هێنراوه‌و جۆراو جۆره‌ به‌کارهێنه‌ر به‌ پێ ی داواکاری خۆی له‌ یه‌کێک له‌ قۆناغه‌کاندا سه‌رپشک ده‌کرێت له‌سه‌ر هه‌ڵبژاردنی جۆری ڤێستا و که‌ له‌گه‌ڵ کاری ڕۆژانه‌دا بگونجێت دایده‌به‌زێنیت هه‌ندێک له‌ ڤێرژه‌کانی قه‌باره‌یان بچوکه‌و پێویستی به‌ تایبه‌تمه‌ندی به‌رز نیه‌ له‌ هاردوێر به‌ڵام من لێره‌دا باسی دابه‌زاندنی (Windows Vista Ultimate) ده‌رچوی (دوو) واته‌ SP2 ده‌که‌م ئه‌وه‌ش نوێترین ده‌رچوه‌ له‌م ویندزۆه‌ و مایکرۆسۆفت پشتگیری ته‌واوی پاراستن لایه‌نی چاکسازی ده‌کات.

پاش ئه‌وه‌ی (DVD) ویندۆزه‌که‌مان کرده‌ دی ڤی دی درایڤه‌که‌وه‌و ڕێستارتمان به‌ کۆمپیوته‌ره‌که‌مان کرد به‌م جۆره‌ ئامێره‌که‌مان درایڤه‌که‌ ده‌خوێنێته‌وه‌و بۆ به‌رده‌وام بوون داوامان لێده‌کات ده‌ست له‌هه‌ر دوگمه‌یه‌ک دابگرین ، تا دڵنیابێت که‌ تۆ ده‌ته‌وێت ئه‌و کارته‌ بکه‌ین ، من لێره‌دا ئینته‌ر ده‌که‌م ئەگەر ئەم روکارەت نەبینی ئەوا دەبێت کیلە دوگمەی بووت دابگریت ، بۆ نمونە لە هەندێک جۆری کۆمپیوتەری دیسکتۆپدا بە (F12) دەستمان پی ی دەگات و لە هەندێکیاندا بە (F11) ، و لە هەندێک جۆری تردا بە هۆی دەست داگرتن لەسەر (F3) دەگەین پێ ی ، وە ئەگەر لاپتۆپیش بەکاردەهێنیت تاڕادەیەک بە هەمان شێوەیە و هەوڵ بدە ئەو کلیلانەی سەرەوە تاقی بکەیتەوە .

 

دواتر به‌م جۆره‌ داخڵی کاری ویندۆزه‌که‌ ده‌بێت چاوه‌ڕوانبه‌

لێره‌دا بۆ یه‌که‌م جار به‌م شێوه‌ ده‌رتده‌که‌وێت و ئه‌وه‌ش له‌ بری ڕوکاری یه‌که‌می ویندۆزی (ئێکس پی ) به‌م جۆره‌ له‌ ڤێستاو سێڤندا گۆڕاوه‌ سه‌رنج بده‌و چاوه‌ڕوانبه‌

له‌م هه‌نگاوه‌شدا ته‌نها چاوه‌ڕوانبه‌

لێره‌دا ڕونکردنه‌وه‌ی خاڵه‌کان به‌م جۆره‌یه‌ :

خاڵی یه‌که‌م : ئه‌گه‌ر ئه‌و ویندۆزه‌ی تۆ به‌کاری ده‌هێنیت له‌ چه‌ند زمانێک پێک هاتبێت ئه‌وا لێره‌دا ده‌توانیت زمانی مه‌به‌ست هه‌ڵبژێریت

خاڵی دووه‌م : بۆ هه‌ڵبژاردنی کات و نگه‌کانه‌ به‌ زمانی ئه‌و وڵاته‌ی که‌ تیایدا نیشته‌جێیت

خاڵی سێهه‌م : بۆ ئه‌وه‌یه‌ زمانی کیبۆرد بگۆڕیت به‌هه‌ر زمانێک که‌ مه‌به‌ستت بێت واته‌ ( عه‌ره‌بی یان ئینگلیزی یان ... هه‌ر زمانێکی تر )

خاڵی چواره‌م : بۆ به‌رده‌وام بوونه‌

من لێره‌دا ئاماده‌کاریه‌کانم به‌م جۆره‌ کردوه‌ تۆش ده‌توانیت به‌ پێ ی ویستی خۆت گۆڕانکاری بکه‌یت دواتر (Next) ده‌که‌م بۆ به‌رده‌وام بوون

لێره‌دا ده‌توانێت کاری چاکسازی ئه‌نجام بده‌یت ئه‌گه‌ر پێشتر ویندۆزی ڤێستات دابه‌زاندبێت و چه‌ند فایلێکی سڕابێته‌وه‌ ( هه‌وڵ ده‌ده‌م له‌ بابه‌تێکی تردا ئه‌م کراده‌ ڕونبکه‌مه‌وه‌ ) به‌ڵام من لێره‌دا تازه‌ ده‌مه‌وێت ئه‌م ویندۆزه‌ دابه‌زێنم هه‌ر بۆیه‌ ته‌نها ( Install now ) ده‌که‌م

لیره‌دا ته‌نها چاوه‌ڕوانبه‌

له‌خاڵی یه‌که‌مدا ده‌بێت ئه‌و کلیله‌ی که‌ له‌گه‌ڵ ویندۆزه‌که‌دایه‌ به‌م جۆره‌ بێ هه‌ڵه‌کردن بینوسینه‌وه‌ ، وه‌ ئه‌و ده‌ست نیشانکردنه‌ لاببه‌و پاشان وه‌ک له‌ خاڵی دووه‌مدا ئاماژه‌م پێداوه‌ کلیک له‌سه‌ر (Next ) بکه‌

ئه‌مه‌ په‌یمان نامه‌ی به‌کارهێنانی ئه‌م به‌رهه‌مه‌ی مایکرۆسۆفته‌ ته‌نها نیشانه‌ی ڕازیبوون دابنێ و پاشان کلیک له‌سه‌ر (Next) بکه‌

لیره‌دا دوو هه‌ڵبژاردنمان هه‌یه‌ وه‌ک ده‌بینن من هه‌ڵبژاردنی دووم چالاکه‌ بۆیه‌ ده‌بێت ئه‌وه‌یان کلیک بکه‌م ( ئاگاداربه‌ ئه‌گه‌ر یه‌که‌م دانه‌ش چالاک بوو تۆ کلیکی دووه‌م بکه‌ له‌ بابه‌تێکی ترمدا باسی هه‌ڵبژاردی یه‌که‌م ده‌که‌م )

لیره‌اد من هارده‌که‌م ( 80 گێگایه‌ ) وه‌ یه‌که‌م جاریشه‌ ویندۆزی له‌سه‌ر دابه‌زێنم بۆیه‌ من لێره‌دا به‌ وردی باسی پارتێشن کردن و دابه‌زاندنم کردوه‌ تا هه‌ر که‌سێکی ئاسایی بتوانێت به‌ ئاسانی کاره‌کان دووباره‌ بکاته‌وه‌ ئه‌گه‌ر4 بۆ که‌سێک که‌ پێشتر ویندۆزی دابه‌زاندبێت و وه‌ هارده‌که‌ش له‌ چه‌ند به‌شێک پێک هاتبێت ئه‌وا نابێت ئه‌م کارانه‌ی من دووباره‌ بکاته‌وه‌ به‌ڵکوو ته‌نها هاردی سیسته‌م دیاریبکات و فۆڕمان پاشان نێکست بکات و ته‌واو ( ئاگاداربه‌ ئه‌گه‌ر ئه‌م کارانه‌ی ئێستا من ده‌یکه‌م تۆ دووباره‌ی بکه‌یته‌وه‌ وه‌ک وایه‌ تازه‌ هژاردێکت کڕیبێت و هیچ داتاو زانیاریه‌کی تێدا نامێنێت )

من وه‌ک وتم هارده‌که‌م تازه‌یه‌ بۆیه‌ بۆ پارتێشن کردن ده‌بێت هارده‌که‌ دیاری بکه‌م و پاشان کلیک له‌سه‌ر (Drive Options) بکه‌م وه‌ک له‌خاڵی دووه‌مدا ئاماژه‌م پێداوه‌

له‌م هه‌نگاوه‌دا بۆ ئه‌وه‌ی بتوانم پارتێشنه‌کان دروستبکه‌م  ده‌بێت کلیک له‌سه‌ر ( New ) بکه‌م

له‌خاڵی یه‌که‌مدا ده‌بێت قاباره‌ی ئه‌و پارتێشنه‌ دیاری بکه‌ین بۆ نمونه‌ من ده‌مه‌وێت ئه‌و به‌شه‌ی دایده‌نێم بۆ سیسته‌م چل گێگا بێت که‌واته‌ ده‌نوسم (40000) ئه‌وه‌ش به‌مانای چل هه‌زار مێگابایت دێت واته‌ چل گێگا ، دواتر وه‌ک له‌ خاڵی دووه‌م دا ئاماژه‌م پیداوه‌ ده‌بێت ( Apply ) بکه‌م

سه‌رنج له‌م وێنه‌ بده‌ کاره‌که‌مان به‌م جۆره‌ ده‌رچوو ئێستا بۆ ئه‌وه‌ی پارتیسنی دووه‌م دروستبکه‌م ده‌بێت وه‌ک جاری پیشوو هه‌مان کاره‌کان دووباره‌ بکه‌مه‌وه‌ به‌ڵام ئه‌مجاره‌ من ده‌مه‌وێت هه‌رچی ماوه‌ته‌وه‌ بیکه‌م به‌ یه‌ک پارتێشنی تر ئه‌گه‌ر چی ده‌ته‌انیت چه‌ندین پارتێسنی تریش دروستبکه‌یت به‌ڵام من لێره‌دا به‌م جۆره‌ کاره‌که‌م ده‌که‌م سه‌رج بده‌ خاڵی یه‌که‌م به‌مانای پارتێشنی یه‌که‌م دێت و خاڵی دووه‌م به‌شه‌ ماوه‌که‌یه‌ له‌ هارده‌که‌

ئێستا وه‌ک جاری پێشوو هه‌مان کاره‌کان دووباره‌ ده‌که‌مه‌وه‌ سه‌رج بده‌

وه‌ک ده‌بیننن هه‌ردوو پارتێشنه‌که‌م دروستکردوه‌ ئێستا ماوه‌ته‌وه‌ کلیک له‌سه‌ر یه‌که‌م پارتێشن بکه‌م و دواتر ( Next ) بکه‌م بۆ به‌رده‌وام بوون

ئێستا یه‌که‌م قۆناغی دابه‌زاندنی ویندۆز ده‌ستی پیکرد سه‌رنج بده‌

قۆناغی یه‌که‌م به‌ خێرایی ته‌واو ده‌بێت به‌ڵام ده‌بێت چاوه‌ڕوانبیت تا قۆناغی دووه‌م ته‌واو ده‌بێت ئه‌وه‌ش نزیکه‌ی بیست ده‌قیقه‌ی ده‌وێت سه‌رنج بده‌

ئه‌م قۆناغه‌ش به‌ ئاسانی و به‌خێرایی ته‌واو ده‌بیت

لێره‌داو پاش ته‌واو بوونی ئه‌و قۆناغانه‌ کۆمپیوته‌ره‌که‌ت ڕێستارت ده‌بێت وه‌ک له‌ وێنه‌که‌دا دیاره‌ سه‌رنج بده‌

ئێستا پاش ڕێستارت کردن به‌م جۆره‌ ده‌که‌وێته‌وه‌کار

لێره‌دا پشکنینێکی سه‌ره‌تای ده‌کات چاوه‌ڕوانبه‌

ئێستا دوا قۆناغ تێپه‌ڕده‌بێت و کاره‌که‌مان کۆتایی هات

لێره‌شدا جارێکی تر ڕێستارت ده‌کات و پاش دووباره‌ که‌وتنه‌وه‌ کار ئه‌م ڕوکاره‌مان بۆ ده‌کرێته‌وه‌ پیویسته‌ ناوێک بۆ کۆمپیوته‌ره‌که‌مان دابنێین وه‌ک له‌ خاڵی یه‌که‌مدا ئاماژه‌م پیداوه‌ ، وه‌ له‌ خاڵی دووه‌مدا ده‌توانیت وێنه‌یه‌کی که‌سی هه‌ڵبژێریت بۆ ئه‌و ئه‌کاونته‌ و له‌ کۆتایداو له‌خاڵی سێهه‌مدا (Next) بکه‌

لێره‌دا ده‌توانیت وێنه‌ی سه‌ردیسکتۆپ هه‌ڵبژێریت دواتر (Next) بکه‌

له‌م قۆناغه‌دا خۆ ویستانه‌ په‌پێ ی ئه‌و باره‌ی ده‌گونجێت یه‌کێکیان هه‌ڵبژێره‌ من پێم باشه‌ یه‌که‌میان هه‌ڵبژێرین ، چونکه‌ خاڵی دووم داوای ئینته‌رنێت ده‌کات و ده‌توانیت ڕاسته‌وخۆ باری پاراستنی ڤێستا چالاکانه‌تر بکه‌ین سێهه‌میش بۆئه‌وه‌یه‌ هه‌نگاوه‌که‌ دوابخه‌یت بۆ کاتێکی تر له‌ هه‌موو باره‌کاندا کاره‌ سه‌رکه‌وتوه‌ به‌ڵام به‌ ویستی قۆناغه‌که‌ تۆ هه‌ڵیبژێره‌

له‌م ڕوکاره‌دا ده‌توانیت کات و ڕێکه‌وتی کۆمپیوته‌ره‌که‌ت بگۆڕیت و چاکسازی تێدا بکه‌یت دواتر (Next) بکه‌

له‌م ڕوکاره‌شدا پلانی گونجاو هه‌ڵبژێره‌ که‌ له‌گه‌ڵ کاره‌که‌تتدا بگونجێت من پێم باشه‌ سێهه‌م بێت

ئێستا کاره‌که‌مان ته‌واو بوو ته‌نها ( Start) بکه‌و ده‌چیته‌ ناو ویندۆزی ڤێستاوه‌

سه‌رچ بده‌ ته‌واو ویندۆی به‌خێرهاتن له‌وه‌ی ئێکس پی جیاوازتره‌

ئه‌م ڕوکاره‌ ته‌نها له‌ دوای یه‌که‌م فۆڕمات و دابه‌زاندنه‌وه‌ دێته‌ ڕێمان وه‌ک له‌ خاڵی یه‌که‌مدا ئاماژه‌م پێداوه‌ ئه‌و ئه‌کاونته‌ی که‌ دروستم کردوه‌ وه‌ له‌خاڵی دووه‌میشدا ده‌کرێت ئه‌و ڕوکاره‌ لا ببه‌ین

ئه‌مه‌ش روکاری ڤێستا پاش ئه‌وه‌ی بۆ یه‌که‌م جار به‌کاری ده‌هێنیت

 

لێره‌وه‌: باسی چۆنیه‌تی چالاککردنی ویندۆزی ڤێستا کراوه‌

بۆچوونه‌كان (0)add
بۆچوونێك زیاد بكه‌
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
بچوككردنه‌وه‌ی | گه‌وره‌كردنی ڕوبه‌ری نووسین

busy
 

Internet Explorer 6 (IE6). ئاگادارکردنەوە بۆ بەکارهێنەری

تکایە ئاگاداربە ئەم ڕوکارە بە تەواوی پاڵپشتی پراوسەرەکەت ناکات هەوڵ بدە بە پراوسەرێکی تر کار بکەیت یاخود ڤێرژنی پراوسەرەکە بەرز بکەوە بۆ بەرزتر لە ڤێرژنی نۆ

تەنها چارەسەر نوێکردنەوەی پراوسەرەکەتە ئەم پراوسەرە لەوانەی بەشێك لە ماڵپەڕەکەت پیشان بدات یاخود هەندێك لە ناوەڕۆکەکەی ببینیت بەڵام ئەمە تەواوی تایبەتمەندێتی ڕوکارەکە نیە

پێم باشە سەردانی ئەم لینکە بکەیت بەمەبەستی نوێکردنەوەی پراوسەرەکەت Internet Explorer.