لێره‌دایت : په‌ڕه‌ی سه‌ره‌تا » ئۆپەرەیتین سیستەمی سێڤن » زانیاری پێویست و گرنگ له‌سه‌ر ویندۆزی سێڤن
زانیاری پێویست و گرنگ له‌سه‌ر ویندۆزی سێڤن
نووسه‌ری بابه‌ت: هۆشمه‌ند صاڵح   
سێ شەممە ، 31 / 07 / 2012 03:00
 

ویندۆزی سێڤن کاتێک له‌ ساڵی (2009) دابه‌رهه‌م هێنرا به‌ناوی ته‌مه‌نی ویندۆزی ( XP ) بوو که‌ له‌و کاته‌دا (7) ساڵ بوو زۆرترین به‌کارهێنه‌ری به‌لای خۆیدا ڕاکێشابوو ئه‌وه‌ش به‌و مه‌به‌سته‌ی ئه‌و کاره‌ساته‌ ڕاست بکاته‌وه‌ که‌ ویندۆزی ڤێستا به‌سه‌ری هێنابوو چونکه‌ ئه‌و ویندۆزه‌ ساڵێک بوو خرابووه‌ به‌ ده‌ست به‌کارهێنه‌رانی به‌ڵام چ له‌ ڕوی خێرایی بو چ له‌ ڕوی ئه‌منیه‌ته‌وه‌ نه‌یتوانی جێ ی خۆی بکاته‌وه‌ له‌ دڵی به‌کار هێنه‌راندا ، ویندۆزی سێڤن زیاتر به‌ڕوکار له‌ ڤێستا ده‌چێت به‌ڵام له‌ ناوه‌ڕۆکدا جیاوازی گه‌وره‌ هه‌یه‌ له‌ نێوان ئه‌م دوو سیسته‌مه‌دا ، له‌ ویندۆزی ڤێستادا کارکردن له‌گه‌ڵ هێڵی وایه‌ر لێس ئێجگار دژواره‌و هه‌موو که‌س ناتوانێت به‌ ته‌واوی سود له‌و تایبه‌ت مه‌ندیه‌ی وه‌ر بگرێت هاوکات ویندۆزی ڤێستا پێویستی به‌ هاردوێری به‌رز هه‌بوو به‌ جۆرێ که‌ ده‌بوو ته‌واوی تایبه‌تمه‌ندی کۆمپیوته‌ره‌که‌ت له‌ڕوی هاردوێره‌وه‌ به‌رز بکردایه‌ته‌وه‌ ئینجا ده‌کرا کار به‌م ویندۆزر بکه‌یت به‌ڵام تاڕاده‌یه‌ک ئه‌م کێشه‌یه‌ له‌ ویندۆزی سێڤندا چاره‌سه‌ره‌ کراوه‌ ، هه‌ندێک گۆڕانکاری بنچینه‌یی کرا به‌ تایبه‌تی له‌ ڕوی ئه‌منیه‌ت و هاوکات پاشکردنی لایه‌نی وایه‌رلێس به‌ جۆرێک ساده‌کراوه‌ هه‌موو که‌س له‌م ویندۆزه‌دا ده‌توانێت به‌کاری بهێنێت هاوکات ویندۆزی سێڤن ڕاسته‌وخۆ ئینته‌رنێت ئیکسپلوره‌ر هه‌شتی له‌گه‌ڵدا داده‌به‌زێت ئه‌گه‌ر چی ئێستا به‌رزتریش ده‌رچوه‌ به‌ڵام له‌و کاته‌دا ئینته‌رنێت ئیکسپلوره‌ر حه‌وت که‌ له‌گه‌ڵ ویندۆزی ڤێستادا داده‌به‌زی نه‌یتوانی سه‌رکه‌وتنی به‌رچاو به‌ده‌ست بهێنێت ، وه‌ له‌گه‌ڵ ئه‌وه‌شدا مایکرۆسۆفت میدیا پله‌یه‌ری 12 ی له‌گه‌ڵ ئه‌م سیسته‌مه‌ی سێڤندا بۆیه‌که‌م جار بڵاوکرده‌وه‌ .

له‌ویندۆزی سێڤندا یه‌کێک له‌و کێشه‌ گه‌ورانه‌ی که‌ توشی به‌کارهێنه‌ر ده‌بوو ئه‌وه‌بوو نه‌ده‌کرا ته‌واوی ئه‌و به‌رنامانه‌ی له‌ ویندۆزی (XP) کاری پێده‌کرا له‌ ڤێستاشدا کاری پێبکرێت بۆیه‌ ده‌بوو کۆمپانیاکانی ده‌عمی ئه‌و به‌رنامانه‌ ڤێرژنی نوێ له‌ به‌رنامه‌کان به‌رهه‌م بهێنن تابتوانن له‌گه‌ڵ ئه‌م ویندۆزه‌دا بیگونگێنن ، به‌ڵام له‌ ویندۆزی سێڤندا ئه‌و گرفته‌ له‌ 90% چاره‌سه‌رکراو ئێستا زۆربه‌ی ئه‌و به‌رنامانه‌ی که‌له‌ گه‌ڵ ویندۆزی (XP) کار ده‌که‌ن له‌گه‌ڵ ئه‌میشدا گونجاوه‌ و بێ کێشه‌یه‌ .

یه‌کێکی تر له‌ گرفته‌کانی ویندۆزی ڤێستا که‌ سێڤنی به‌دوای خۆیدا هێنا گرفتی لاپتۆپه‌کان بوو به‌جۆرێک زۆرترین وزه‌ی کارده‌کرد ئه‌گه‌ر لاپتۆپه‌که‌ت پێشتر به‌ ویندۆزی (XP) چوار کاتژمێر کاری بکردایه‌ ئه‌وا له‌ ڤێستادا ده‌بوو به‌ نیو ئه‌وه‌نده‌ کات ئه‌وه‌ش به‌ هۆی ئه‌و هه‌موو تایبه‌تمه‌ندیه‌ زۆره‌وه‌ بوو که‌ بۆ ڤێستا زیادکرابوو دیسان ئه‌م کێشه‌یه‌ش له‌ سێڤندا چاره‌سه‌ر کراو ئێستا ئه‌و گرفته‌ی نیه‌ .

یه‌کێک له‌ تایبه‌ت مه‌ندیه‌ هه‌ره‌ باشه‌کانی ویندۆزی سێڤن زیادکردنی سیسته‌می (touch) بوو که‌ به‌کارهێنه‌ر ده‌توانیت به‌ ده‌ستی خۆی و بێ ماوس کار به‌م ویندۆزه‌ بکات ئه‌وه‌ش شتێکی نمونه‌یی بوو بۆ یه‌که‌م جاربوو مایکرۆسۆفت ئه‌م تایبه‌تمه‌ندیه‌ بخاته‌ به‌رده‌ستی به‌کارهێنه‌رانی . له‌گه‌ڵ ئه‌وه‌شدا ئه‌گه‌رچی گۆڕانکاری له‌ ته‌واوی ڕوکاره‌که‌یدا کراوه‌ به‌ڵام دیارترین گۆڕانکاری له‌ تاسکباڕدا ده‌رده‌که‌وێت که‌ ته‌واو شه‌فافه‌و هاوشان له‌گه‌ڵ لاکێشه‌ی ته‌نیشت به‌رنامه‌کان ڕونه‌و ده‌توانرێت ڕونتریش بکرێته‌وه‌ ، له‌کاتێکدا چه‌نده‌ به‌رنامه‌یه‌ک له‌یه‌ک کاتتدا بکرێته‌وه‌ ئه‌وا له‌سه‌ر ئه‌م تاسکباڕه‌ ده‌توانرێت به‌شێوه‌ی روکارێکی بچوککراو ببینرێت ، وه‌ له‌کاتی ئاڵو گۆڕکردن له‌ نێوان به‌رنامه‌کاندا ئه‌م تایبه‌تمه‌ندیه‌ نوێیه‌ به‌ته‌واوی کارئاسانیت بۆده‌کات .

ویندۆزی سێڤنیش هه‌ر وه‌ک ڤێستاو (XP) به‌ هه‌مان شێوه‌ دوو شێوه‌ی لێ به‌رهه‌م هێنراوه‌ 32 بایت و 64 بایت ، وه‌ ئه‌م ویندۆزه‌ له‌ به‌ر قه‌باره‌ گه‌وره‌که‌ی ده‌بێت له‌سه‌ر  DVD وه‌ ئینستۆڵ بکرێت و ڤێستاش به‌هه‌مان شێوه‌ که‌ جیاوازن له‌ (XP) که‌ ته‌نها له‌ڕێگه‌یی سی دی وه‌ ده‌توانرا دابه‌زێنرێت .

ئیمه‌ وا راهاتوین هه‌ر باسی یه‌ک به‌ش له‌م ویندۆزه‌ بکه‌ین به‌ڵام لیره‌دا من پیم باشه‌ باسی جیاوازیه‌ک بکه‌م که‌ له‌ ویندۆزی سیڤن و ڤێستادا هه‌یه‌ ئه‌وه‌ش که‌ ڕوی ڕاپه‌ڕاندنی کاره‌کانی ڕۆژانه‌مان و ئه‌و تایبه‌تمه‌ندیانه‌ی که‌ ئه‌م دوو ویندۆزه‌ به‌ هه‌هوو به‌شه‌کانیه‌وه‌ هه‌یه‌تی ، سێڤن پێک دێت له‌م ویندۆزانه‌

Windows 7 Ultimate
Windows 7 Enterprise
Windows 7 Professional
Windows 7 Home Premium
Windows 7 Home Basic
Windows 7 Starter

به‌ڵام له‌ هه‌مویان چالاکترو زۆرترین تایبه‌تمه‌ندی تیادا کۆ بوبێته‌وه‌ یه‌که‌م دانه‌یانه‌ که‌ باسه‌که‌ی ئێمه‌شه‌ واته‌ ( Windows 7 Ultimate )

دابه‌زاندنی ویندۆزی سێڤن ئه‌م هاردوێرانه‌ی پیویسته‌

32 بایت / ڕام 1 گێگا به‌ره‌و سه‌ره‌وه‌ هارد 16 که‌متر نه‌بێت خێرایی په‌پێ ی پرۆسێسه‌ر تا به‌رزتربێت باشتره‌ کارکردنی به‌ڵام نابێت له‌ (1 GHz) که‌متربێت

64بایت / ڕام 2 گێگا به‌ره‌روه‌ سه‌ره‌وه‌ هارد 20 گێگا که‌متر نه‌بێت خێرایی هه‌تا زۆرتربێت کاری باشتره‌ وه‌ ده‌بێت پرۆسێسه‌ره‌که‌ی پاڵپشتی (1 GHz) بکات

ڕێژه‌ی به‌کارهێنه‌رانی ویندۆزی سێڤن له‌ کاتی به‌رهه‌م هێنانیه‌وه‌ تا ئێستا به‌م جۆره‌یه‌ :

9.0%   له‌ 2009

29.1% له‌ 2010

46.1% له‌ 2011

52.3% له‌ 2012

ئێستا ئه‌گه‌ر ده‌ته‌وێت ویندۆزی سێڤن دابه‌زێنیت و وانه‌ی زیاتری له‌سه‌ر فێرببیت کلیک لێره‌ بکه‌

چۆنیه‌تی دابه‌زاندنی ویندۆزی سێڤن ( Windows 7)

بۆچوونه‌كان (0)add
بۆچوونێك زیاد بكه‌
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
بچوككردنه‌وه‌ی | گه‌وره‌كردنی ڕوبه‌ری نووسین

busy
 

Internet Explorer 6 (IE6). ئاگادارکردنەوە بۆ بەکارهێنەری

تکایە ئاگاداربە ئەم ڕوکارە بە تەواوی پاڵپشتی پراوسەرەکەت ناکات هەوڵ بدە بە پراوسەرێکی تر کار بکەیت یاخود ڤێرژنی پراوسەرەکە بەرز بکەوە بۆ بەرزتر لە ڤێرژنی نۆ

تەنها چارەسەر نوێکردنەوەی پراوسەرەکەتە ئەم پراوسەرە لەوانەی بەشێك لە ماڵپەڕەکەت پیشان بدات یاخود هەندێك لە ناوەڕۆکەکەی ببینیت بەڵام ئەمە تەواوی تایبەتمەندێتی ڕوکارەکە نیە

پێم باشە سەردانی ئەم لینکە بکەیت بەمەبەستی نوێکردنەوەی پراوسەرەکەت Internet Explorer.