لێره‌دایت : په‌ڕه‌ی سه‌ره‌تا » فێرکاری جوومله‌ » فێرکاری یه‌که‌م ( داگرتنی جوومله‌ و ئاماده‌کاری بۆ دامه‌زراندنی )
فێرکاری یه‌که‌م ( داگرتنی جوومله‌ و ئاماده‌کاری بۆ دامه‌زراندنی )
نووسه‌ری بابه‌ت: هۆشمه‌ند صاڵح   
ڕۆژی شەممە ، 10 / 11 / 2012 21:58
 

له‌م وانه ‌فێرکاریه‌دا که‌ یه‌که‌م وانه‌ی فێرکاریه‌ له‌سه‌ر دامه‌زراندنی سکریپتی جوومله‌ ده‌مه‌وێت باسی چۆنیه‌تی داگرتن و ئاماده‌کاریه‌کان بۆ دامه‌زراندنی جوومله‌ بکه‌م له‌سه‌ر سیرڤه‌ری ناوخۆیی ، بێگومان من له‌ بابه‌تێکی جیاوازدا به‌دورو درێژی باسی جوومله‌و تواناکانیم کردبوو هاوکات له‌ بابه‌تێکی سه‌ربه‌خۆی تریشدا ڕونکردنه‌وه‌و دامه‌زراندنی سیرڤه‌ری (AppServ) باس کردوه‌ ، بۆیه‌ تکام وایه‌ پیداچونه‌وه‌یه‌ک بۆ ئه‌و دوو بابه‌ته‌ بکه‌یت ئه‌گه‌رچی شاره‌زایی ته‌واویشت هه‌بێت ، چونکه‌ من ئه‌م زنجیره‌ فێرکاریه‌م به‌چه‌ند ڕۆژێک نوسیوه‌و هه‌موو بابه‌ته‌کانی تایبه‌ت به‌م سکریپته‌ ته‌واوکه‌ری یه‌کترین .

بۆ دابه‌زاندنی جوومله‌ چه‌ندین ڕێگای جیاواز هه‌یه‌ هاوکات چه‌ندین ماڵپه‌ڕیش خۆیان نوێترین ده‌رچوو له‌م سکریپته‌ ڕۆژانه‌ بڵاو ده‌که‌نه‌وه‌و هه‌ندێکیشیان پێداویستیه‌کانی زمانیان له‌گه‌ڵ سکریپته‌که‌دا داناوه‌ ، من پێم باشه‌ له‌ ماڵپه‌ڕی پشتیوانیه‌وه‌ سکریپتێکی خاوێن دابگریت چونکه‌ ئه‌وه‌ دڵنیاکه‌ره‌وه‌ تره‌ ، بۆیه‌ لێره‌شدا هه‌ر به‌و شێوه‌ باسی دابه‌زاندنی نوێترین ده‌رچوو ده‌که‌م له‌ ماڵپه‌ڕی پشتیوانیه‌وه‌ دواتر باسی چۆنیه‌تی زیادکردنی زمان ده‌که‌م بۆ سکریپته‌که‌ .

سه‌ره‌تا ئه‌م لینکه‌ بکه‌ره‌وه‌ ، ئه‌م لینکه‌ ڕاسته‌وخۆ ده‌تگه‌یه‌نێت به‌ لاپه‌ڕه‌ی داونلۆدکردنی نوێترین ده‌رچوو

joomla.org

پاش ئه‌وه‌ی ئه‌و لینکه‌ی پێشوت کرده‌وه‌ ئه‌م ڕوکاره‌ت بۆ ده‌کرێته‌وه‌ وه‌ک ده‌بینن من به‌ دوو خاڵ ئاماژه‌م پێداوه‌ که‌ ڕونکردنه‌وه‌که‌ی ئه‌و دووخاڵه‌ش به‌م جۆره‌یه‌ :

خاڵی یه‌که‌م : داگرتنی ده‌رچووێکی نوێیه‌ له‌ سکریپتی جوومله‌ به‌ سه‌رجه‌م پێک هاته‌که‌یه‌وه‌ واته‌ سکریپته‌که‌ به‌ ته‌واوی من لێره‌دا ئه‌م کاره‌ ده‌که‌م تۆش کلیک بکه‌ له‌سه‌ر خاڵی یه‌که‌م بۆ ئه‌وه‌ی ئه‌و ده‌رچووه‌ به‌ ته‌واوی پێک هاته‌که‌یه‌وه‌ دابگریت .

 

خاڵی دووه‌م : بریتیه‌ له‌ فایله‌ پێویستانه‌ی که‌ بۆ نوێکردنه‌وه‌ی سکریپتێک پێویسته‌ ، بۆنمونه‌ ئه‌گه‌ر من پیشتر سکریپته‌که‌م دابه‌زاندبێت و به‌ڵام دواتر ڤێرژن پێش بخرێت به‌هۆی پاراستنه‌وه‌ خۆناکرێت ماڵپه‌ڕه‌که‌م به‌ ته‌واوی بسڕمه‌وه‌ به‌ڵکو به‌هۆی ئه‌م فایلانه‌وه‌ ڤێرژنه‌که‌ نوێ ده‌که‌مه‌وه‌ (له‌ بابه‌تێکی سه‌ربه‌خۆدا باسی نوێکردنه‌وه‌ی سکریپتی جوومله‌ ده‌که‌م)

 

 

ئێستا من سکریپتی جوومله‌م داگرتووه‌ سه‌رنج بده‌ن له‌سه‌ر دیسکتۆپ به‌م جۆره‌یه‌ ، له‌ زیپیکدا پێکهاته‌کانی کۆکراوه‌ته‌وه‌ و ده‌بێت به‌هۆی به‌رنامه‌یه‌که‌وه‌ له‌ زیپه‌که‌ی ده‌ری بهێنین بۆ نمونه‌ من وینڕار به‌کارده‌هێنم ، قه‌باره‌ی ئه‌م فایله‌ (که‌متره‌ له‌ هه‌شت مێگابایت)

 

لێره‌دا سه‌نج بده‌ من له‌ زیپه‌که‌یدا ده‌رم هێناوه‌ وه‌ک ده‌بینن سکریپتی جوومله‌ پێک دێت له‌ (11) فایل و (15) فۆڵده‌ر که‌ پیک هاته‌ی ماڵه‌ڕه‌که‌یه‌ ، من لێره‌دا باسی کاری هه‌ندێک له‌و فۆڵده‌رانه‌ ده‌که‌م :

 

 

یه‌که‌م : فۆڵده‌ری (administrator) ئه‌م بریتیه‌ له‌ فۆڵده‌ری به‌ڕێوه‌به‌رایه‌تی واته‌ هه‌موو کاره‌کانی کۆنترۆڵ پانێڵی ماڵپه‌ڕه‌که‌ له‌م فۆڵده‌ره‌دا کۆکراوه‌ته‌وه‌ ، ئه‌م فۆڵده‌ره‌ ته‌نها خاوه‌ن ماڵپه‌ڕو به‌ڕێوه‌به‌ره‌کان ده‌ستیان پێ ی ده‌گات ، هیچ که‌سێک ناتوانێت جگه‌ له‌وان ئه‌م فۆڵده‌ره‌ ببینێت ، له‌م فۆڵده‌ره‌دا دوو کاری گرنگ هه‌یه‌ که‌ ده‌بێت پێش ئه‌وه‌ی به‌رزی بکه‌ینه‌وه‌ بۆ سیڤه‌ره‌که‌مان ئه‌نجامی بده‌ین یه‌که‌م زیادکردنی زمان و دووه‌م زیادکردنی ڕوکارێکی به‌کوردیکراو که‌ به‌ڕێوه‌به‌رایه‌تیه‌که‌ت به‌شێوازێکی جوانتر ده‌رده‌که‌وێت ده‌توانیت به‌ ئاسانتر مامه‌ڵه‌ی له‌گه‌ڵدا بکه‌یت سه‌رنج له‌م وێنه‌ بده‌ (language) شوێنی زمانی به‌ڕێوه‌به‌رایه‌تیه‌و ئه‌وی تریش (templates) شوێنی دانانی ڕوکاره‌که‌یه‌ .

 

 

دووه‌م : فۆڵده‌ری (components)  ئه‌م فۆڵده‌ره‌ بریتیه‌ له‌ پێک هێنه‌ره‌کانی ماڵپه‌ڕه‌که‌ من پێشتر له‌ بابه‌تێکی ترمدا ئاماژه‌م به‌کاره‌کانی کردبوو ، ئه‌م فۆڵده‌‌ره‌ پێک هاته‌ بنه‌ڕه‌تیه‌کانی جوومله‌ی تێدایه .

سێیه‌م : (images) ئه‌م فۆڵده‌ره‌ تێکڕای وێنه‌کانی ماڵپه‌ڕه‌که‌ ده‌گرێته‌خۆی و هه‌ر فایلێکی وێنه‌ییش بڵاو بکرێته‌وه‌ ڕاسته‌وخۆ ئه‌م فۆڵده‌ره‌ت بۆ پێشنیاز ده‌کات ، له‌کاتی بابه‌ت نوسیندا ئه‌گه‌ر پێویست بکات وێنه‌یه‌ک دابنێیت ئه‌وا ده‌بێت وێنه‌کان له‌م فۆڵده‌ره‌دا دابنێیت ، هاوکات ده‌توانرێت له‌ناو ئه‌م فۆڵده‌ره‌شدا چه‌ندین فۆڵده‌ری نوێ درو‌ست بکه‌یت و به‌سه‌دان وێنه‌یان تێدا دابنێیت ، له‌کاتی ناردنی بابه‌تدا زیاتر باسی ئه‌م فۆڵده‌ره‌م کردوه‌ .

چواره‌م : (installation) ئه‌م فۆڵده‌ره‌ فرمانه‌ سه‌ره‌کیه‌که‌ی دامه‌زراندنی سکریپته‌که‌یه‌ به‌ڵام پاش دامه‌زراندن ده‌بێت بسڕێته‌وه‌ .

پینجه‌م : (language)  فۆڵده‌ری زمانی ماڵپه‌ڕه‌که‌یه‌ ئه‌م فۆڵده‌ره‌ ده‌بێت فایلی زمان به‌رز بکه‌ینه‌وه‌ بۆ ناو ئه‌م فۆڵده‌ره‌و دواتر له‌ کۆنترۆڵ پانێڵه‌وه‌ زمانی ماڵپه‌ڕه‌که‌ بگۆڕین ، دواترباسی ئه‌م کاره‌ ده‌که‌م ، سه‌رنج بده‌ فۆڵده‌ری زمان به‌م جۆره‌یه‌ که‌ ده‌بێت زمانه‌کان لێره‌دا په‌یست بکرێنه‌وه‌

 

 

شه‌شه‌م : (modules) ئه‌م فۆڵده‌ره‌ش پێک هاته‌ی هه‌رچی مۆدۆله‌یه‌ تێیدایه‌ بێگومان هه‌ندێک جار مۆدۆله‌کان له‌م فۆڵده‌ره‌دا فۆڵده‌رێک بۆ وێنه‌کان دروست ده‌که‌ن به‌تایبه‌تی ئه‌گه‌ر سلایدشۆیه‌ک دابمه‌زرێنیت ، ئه‌وا ده‌بێت وێنه‌کان بۆ ناو ئه‌م فۆڵده‌ره‌ به‌رز بکه‌یته‌وه‌ ، یاخود ئه‌گه‌ر بمانه‌وێت زمانی به‌کارهێنانی مۆدۆله‌که‌ بگۆڕین به‌ هه‌مان شێوه‌ ده‌بێت له‌م فۆڵده‌ره‌دا به‌ دوای پێکهاته‌ی زمانه‌که‌یدا بگه‌ڕێین ، له‌ باسکردنی تواناکانی سکریپتی جومله‌دا باسی ئه‌م فۆڵده‌ره‌شم کردوه‌ .

حه‌وته‌م : (plugins) ئه‌م فۆڵده‌ره‌ به‌رپرسه‌ به‌ له‌خۆگرتنی هه‌موو پڵه‌گینه‌کانی جوومله‌و ئه‌و پڵه‌گینانه‌شی که‌زیاد ده‌کرێت ، به‌هه‌مان شێوه‌ی مۆدۆله‌ لێره‌دا پێک هاته‌ی پڵه‌گینه‌کان ده‌پارێزێت ،

هه‌شته‌م : (templates) ئه‌م فۆڵده‌ره‌ هه‌موو ڕوکاره‌کانی ماڵپه‌ڕه‌که‌ له‌خۆ ده‌گرێت ، زیادکراوه‌کان بێت یاخود ڕوکاره‌ بنه‌ڕه‌تیه‌کان بێت هه‌موویان له‌م فۆڵده‌ره‌دا جێگیر ده‌کرێن .

سه‌باره‌ت به‌ئه‌و (11) فایله‌ش هه‌ریه‌که‌یان گرنگی و تایبه‌تمه‌ندی خۆیان هه‌یه‌ هه‌وڵ ده‌ده‌م له‌ ئاینده‌دا ڕونکردنه‌وه‌ی پێویست له‌سه‌ر هه‌ر یه‌که‌یان بنوسم به‌ تایبه‌تی (htaccess) که‌ ئێجگار گرنگه‌و کاری کورت کردنه‌وه‌ی لینک و گۆڕینی پاشگره‌کانی له‌ ئه‌ستۆدایه‌ . له‌دواتردا ئه‌م کاره‌ به‌ کرداری ئه‌نجام ده‌ده‌ین .

چۆنیه‌تی زیادکردنی زمانی کوردی بۆ سکریپتی جوومله‌ :

من پێم باشه‌ پێش دامه‌زاندن و به‌رزکردنه‌وه‌ی پێک هاته‌ی جوومله‌ بۆ ماڵپه‌ڕه‌که‌ت کاری زیادکردنی زمان ئه‌نجام بده‌یت ، کاره‌که‌ش به‌م جۆره‌یه‌ :

سه‌ره‌تا ئه‌م شوێنه‌ بکه‌وه‌ بۆ نمونه‌ ئه‌گه‌ر وشه‌ی (Site) بۆ ناوی سایته‌که‌ دابنێین ئه‌وا زمانی ماڵپه‌ڕ ده‌که‌وێته‌ ئه‌م شوێنه‌ (site\language) هه‌ربۆیه‌ ده‌بێت لێره‌دا زمانی ماڵپه‌ڕه‌که‌ که‌ فۆڵده‌رێکه‌ په‌یستی بکه‌ین . وه‌ک ده‌بینن من لێره‌دا زمانی ماڵپه‌ڕه‌که‌م زیادکردوه‌ که‌ ناو فۆڵده‌رێکدایه‌ به‌ناوی (ku-KU) .

 

 

تێبینی / کلیک لێره‌ بکه‌ بۆ داگرتنی فۆڵده‌ری زمانی کوردی

هه‌روه‌ها بۆ زیادکردنی زمانی کوردی بۆ به‌ڕێوه‌به‌رایه‌تی ماڵپه‌ڕ ئه‌م شوێنه‌ بکه‌وه‌ بۆ نمونه‌ ئه‌گه‌ر لێره‌دا وشه‌ی (Site) ناوی ماڵپه‌ڕه‌که‌مان بێت ئه‌وا زمانی به‌ڕێوه‌به‌رایه‌تی ده‌که‌وێته‌ ئه‌م شوێنه‌وه‌ (site\administrator\language) .

 

 

تێبینی / کلیک لێره‌ بکه‌ بۆ داگرتنی فۆڵده‌ری زمانی کوردی

کارێکی تری گرنگ که‌ده‌بێت پێش دامه‌زراندن واباشتره‌ ئه‌نجامی بده‌ین ئه‌وه‌ش گۆڕینی ناوی سکریپته‌که‌یه‌ ، ئه‌گه‌ر ئه‌م کاره‌ش نه‌که‌یت هه‌ر کێشه‌ نیه‌ به‌ڵام واباشتره‌ بکرێت من لێره‌دا ناوی سکریپته‌که‌م گۆڕیوه‌ به‌ (l4kurd) پاشان ده‌یگوازمه‌وه‌ بۆ ئه‌و شوێنه‌ی که‌ له‌ سیڤه‌ره‌ ناوخۆییه‌که‌دا ئاماژه‌م پێدابوو (C:\AppServ\www) که‌واته‌ کاره‌که‌مان به‌م جۆره‌ ده‌بێت .

 

ئێستا کاتێک ئه‌و فۆڵده‌ره‌ ده‌که‌مه‌وه‌ ده‌بێت پێکهاته‌که‌ی به‌م جۆره‌ له‌ ناو هیچ فۆڵده‌رێکی تردا نه‌بێت ، ئاگاداربه‌ وه‌ک له‌ به‌ڕه‌نگی زه‌رد ده‌ست نیشانم کردوه‌ نابێت هه‌ڵه‌بکه‌یت ئه‌گه‌رنا کاره‌کانمان هه‌مووی تێک ده‌چێت و ناتوانیت سکریپته‌که‌ دابمه‌زرێنیت . سه‌رنج له‌م وێنه‌ بده‌ پیکهاته‌کان به‌م جۆره‌یه‌

 

 

کارێکی تریش وه‌ک زیاده‌یه‌ک بۆ کاره‌کانی ترمان که‌ده‌بێت بکرێت و کاریگه‌ری خۆی هه‌یه‌ له‌ دواییدا ئه‌ویش زیادکردنی تێمپلێتێکه‌ که‌ به‌ کوردی کراوه‌ بۆ به‌ڕێوه‌به‌رایه‌تی ، ئه‌م کاره‌ بکه‌ بۆ ئه‌وه‌ی به‌ڕێوه‌به‌رایه‌تیه‌که‌ت به‌باشی ببینیت و سوود له‌ ته‌واوی به‌شه‌کانی وه‌ربگریت پاش دامه‌زراندنی سکریپته‌که‌ .

ئه‌م شوێنه‌ بکه‌وه‌ ، بۆ نمونه‌ من ناوی ئه‌و فۆڵده‌ره‌ی پێک هاته‌ی سکریپته‌که‌م تێدا داناوه‌ گۆڕیوه‌ به‌ (l4kurd) بۆیه‌ له‌ جێی ی وشه‌ی (Site) ی پیشوو که‌ به‌مانای ناوی ماڵپه‌ڕه‌که‌ ده‌هات به‌م جۆره‌ ده‌رده‌چێت ، ئه‌م شوێنه‌ بکه‌وه‌و ئه‌و فۆڵده‌ره‌ له‌وێدا په‌یست بکه‌وه‌ سه‌رنج له‌ وێنه‌که‌ بده‌ و کاره‌کان وه‌ک خۆی دووباره‌ بکه‌وه‌

 

 

تێبینی / کلیک لێره‌ بکه‌ بۆ داگرتنی ئه‌م ڕوکاره‌ به‌ کوردیکراوه‌

تێبینی / بۆ ئه‌و فێرخوازانه‌ی که‌سه‌ره‌تایانه‌ له‌م بواره‌دا تکایه‌ به‌ وردی کاره‌کان دووباره‌ بکه‌نه‌و پاشان سه‌رنج و تێبینی خۆتمان بۆ بنێره‌ تا بتوانم به‌ ویستی ئێوه‌ ڕونکردنه‌وه‌کان بگۆڕم ، هه‌ر پرسیارێکتان هه‌بوو یاخود ڕونکردنه‌وه‌ی زیاترتان پێویست بوو له‌سه‌ر ئه‌م بابه‌ته‌ تکایه‌ بۆم ڕه‌وانه‌ بکه‌ن هه‌تا بتوانم هاوکاری ته‌واوتان بکه‌م .

بۆچوونه‌كان (14)add
...
لە لایەن ( Nahro , ) وه‌ نێرراوه‌
ده‌ست خۆش به‌ڕاستی بابه‌ته‌كانت شازه‌ هیوادارم بابه‌تی جوومله‌ت زوزو دابنێیت سوپاس
...
لە لایەن ( هۆشمه‌ند , ) وه‌ نێرراوه‌
نه‌هرۆ گیان به‌رده‌وام سه‌دانمان بکه‌ من به‌زنجیره‌ له‌ سفره‌وه‌ باسی جوومله‌ ده‌که‌م تا ئه‌و کاته‌ی بتوانیت ماڵپه‌ڕێکی پرۆفیشناڵ دروست بکه‌یت .
...
لە لایەن ( sarbast , ) وه‌ نێرراوه‌
دةست خوش سةركةوتو بيت
...
لە لایەن ( ali , ) وه‌ نێرراوه‌
مەبەست لە template رووکاری سایتەکەمانە؟دەبێ خۆمان دروستی کەین یان لە جێگایەک بەخۆرایی داونلۆدی کەین؟
...
لە لایەن ( هۆشمەند , ) وه‌ نێرراوه‌
بەڵێ مەبەستم لەوەیە، دەتوانیت خۆت دروستی بکەیت و دەشتوانیت بێ بەرانبەر لە ئینتەرنێتدا داونلۆدی بکەیت ، ئەگەر لە ئینتەرنیتەوە داونلۆدی بکەیت دواتر دەتوانیت بە ئارەزوی خۆت گۆڕانکاری تێدا بکەیت ئەوەش شتێکی باشە بۆ نمونە من ئەم ڕوکارەم بەکارهێناوە خۆم گۆرانکاریم تێداکردوە .
...
لە لایەن ( Hawez , ) وه‌ نێرراوه‌
Slaw...mn sarat dast xoshytan le akam... taza xarika ba malparekatan ashna dabm zor xoshhalbum ka babatakani joomlam leradabini zor dameka hazdakam fery bbm...wa lera wadyare basheway znjeray datan nawa ka ama kareky zor jwan u nawazaya.... balam mn prsyarekm haya sabarat ba ; linky runkrdnawaw server lay mn kar nakat.. garbtwani yarmatiman bday u chaky bkan nazanm ranga grftYky habet... supas bahiway bardawami u sarkawtn.
...
لە لایەن ( هۆشمەند , ) وه‌ نێرراوه‌
فێرخوازی بەرێز سەرەتا سوپاس بۆ لێدوانەکەت
سەبارەت بە پرسیارەکەت ، پێش ئەوەی دەست بکەیت بە جط بەجێ کردنی ئەم فێرکاریە دەبێت سەرەتا ئەم بابەتەت خوێندبێتەوەو جێبەجێت کردبێت چونکە لێرەدا هەموو کارە پێویستەکانی دامەزراندنی سیڤەر باسکراوە ، بۆیە لێرەدا ئەوەی بە دوایدا دەگەڕێیت دەیدۆزیتەوە ، وەگەر ئەم بابەتە بەتەواوی جێبەجێکرد و کارەکەت سەرکەوتوو نەبوو ئەوا لێرەوە کۆمێنت بنێرە هاوکاریت دەکەم بەهیوای سەرکەوتن فەرموو ئەمە لینکی بابەتەکەیە

http://www.l4kurd.com/web-development/93-appserv

کاتێك ئەم لینکە دەکەیتەوە سەرنج بدە لە کۆتایی بابەتەکان دواتر بابەتەکە بە دورو درێژی دەبینیت .
...
لە لایەن ( Hawez , ) وه‌ نێرراوه‌
دەستەکانت خۆش مامۆستا گیان بۆ دانانی لینکی دامەزراندنی سێرڤەری ناوخۆیییەکە...من هەنگاوەکانم هەمووی وەکوو تۆ جێ بەجێ کرد بەڵام دواجار کە (localhost)دەنووسم هیچم بۆ ناهێنێت...نازانم هۆکاری جی یە.
...
لە لایەن ( هۆشمەند , ) وه‌ نێرراوه‌
برای ئەزیزم :
ئەگەر تەواو وەک من هەنگاوەکانت دووبارە کردبێتەوە ئەوا دڵنیام کێشەت نابێت ، ئەم جارە لینکەکە لە پراوسەرەکەدا بەم شێوەیە دابنێ

http://localhost

پاش ندانانی ئەم لینکە لە ئەدرێس باڕدادواتر ئینتەربکە ، زیاتر لە پراوسەرێک بەکاربهێنە ، ئەگەر هەر٤ کێشەی تێدا بوو ئاگادارم بکەوە ، با هاوکاریت بکەم .
...
لە لایەن ( Hawez , ) وه‌ نێرراوه‌
دەستخۆش براکەم دیلیتم کردو دووبارە هەنگاوەکانم ئەنجام داوە... ئەمجارەیان سوپاس بۆخوا و سوپاس بۆتۆی دلسۆزیش سەرکەوتووبووم.... ئێستا دواتر چۆن بتوانم هەنگاو بە هەنگاو لەگەڵ وانەکانت بڕۆم و ڕاهێنان بکەم بۆ ئەوەی بتوانم فێری دروست کردنی ماڵپەرببم بە سکریپتی جوملە.
...
لە لایەن ( هۆشمەند , ) وه‌ نێرراوه‌
سوپاس بۆ خودا
لە ئێستادا زۆرترین بابەتی فێرکاریم لێرەدا داناوە کە تەواو دەتکات بە بەکارهێنەرێکی پرۆفیشناڵی سکریپتی جووملە فەرموو سەیری وانەکان بکەو وانە بە وانە فێرکاریەکان جێ بەجێ بکە
http://www.l4kurd.com/web-development/joomla-learn
هەر کێشەیەکیش هاتە ڕێت کۆمێنت بنووسە بە دڵنیاییەوە وەڵامت دەدەمەوە
...
لە لایەن ( Hawez , ) وه‌ نێرراوه‌
دەستەکانت خۆش بێت برای ئەزیز... بەدڵنیاییەوە هەنگاوبەهەنگاولەگەڵ وانە بەسوودەکانت دەبم و هەر کێشەیەکیش بێت ئەوا ناچار دەبمە ئەرك بۆتۆ ... خودای مەزن سەرکەوتوو لەش ساخت بکات بۆ خزمەت کردن بە فێرخوازانی کۆمپیوتەر و تەکنەلۆژیا بەگشتی..ئەوشێوازە شیکردنەوەی بابەتەکان بەشێوەی وانەو زنجیرە زۆر بەسوودەبۆیە هیوادارم بەردەوام بن لەسەر ئەمشێوازە.. بەم شێوەیە ماندوبوونی ئێوەش بەفێڕۆ ناڕوات،،،دووبارە هیوای سەرکەوتن و لەش ساخیت بۆ دەخوازم مامۆستای بەڕێز.
...
لە لایەن ( هۆشمەند , ) وه‌ نێرراوه‌
سوپاس برای ئازیزم
ئەوەی لە توانامدا بێت من من ئامادەم هاوکار و پاڵپشت بم بۆتۆ و هەرکەسێکیش کەمەبەستی بێت فێر بێت ، ئەرك نیت و من بە ئەرکی خۆمی دەزانم چیم پێ بکرێت لە بواری بەخشینی زانیاریدا درێغی ناکەم ، هیوای سەرکەوتنت بۆ دەخوازم .
...
لە لایەن ( bawar , ) وه‌ نێرراوه‌
کاکە لای من لینکی داگرتنی زمانی فۆلدەری کوردیەکە ناکاتەوە
بۆچوونێك زیاد بكه‌
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
بچوككردنه‌وه‌ی | گه‌وره‌كردنی ڕوبه‌ری نووسین

busy
 

Internet Explorer 6 (IE6). ئاگادارکردنەوە بۆ بەکارهێنەری

تکایە ئاگاداربە ئەم ڕوکارە بە تەواوی پاڵپشتی پراوسەرەکەت ناکات هەوڵ بدە بە پراوسەرێکی تر کار بکەیت یاخود ڤێرژنی پراوسەرەکە بەرز بکەوە بۆ بەرزتر لە ڤێرژنی نۆ

تەنها چارەسەر نوێکردنەوەی پراوسەرەکەتە ئەم پراوسەرە لەوانەی بەشێك لە ماڵپەڕەکەت پیشان بدات یاخود هەندێك لە ناوەڕۆکەکەی ببینیت بەڵام ئەمە تەواوی تایبەتمەندێتی ڕوکارەکە نیە

پێم باشە سەردانی ئەم لینکە بکەیت بەمەبەستی نوێکردنەوەی پراوسەرەکەت Internet Explorer.