لێره‌دایت : په‌ڕه‌ی سه‌ره‌تا » فێرکاری جوومله‌ » فێرکاری حەڤدەیەم ( دروستکردن و چالاککردنی پەڕەی پەیوەندی )
فێرکاری حەڤدەیەم ( دروستکردن و چالاککردنی پەڕەی پەیوەندی )
نووسه‌ری بابه‌ت: هۆشمه‌ند صاڵح   
چوار شەممە ، 29 / 07 / 2015 00:00
 

دروستكردنی پەڕەیەك تایبەت بە پەیوەندی كردن بە ماڵپەڕەوە لە كارە بنەڕەتەكانی هەموو ماڵپەڕێكەو بە دەگمەن ماڵپەڕێك دەدۆزیتەوە ئەم لاپەڕەیەی تێدا نەبێت چونكە پایەیەكی گرنگە لە ماڵپەڕدا كە كارئاسانی دەكات بۆ هەموو میوانێك كە بتوانێت ڕاستەوخۆ لەگەڵ خاوەنی ماڵپەڕدا گفتوگۆبكات و پێشنیار و ڕاو بۆچوونی خۆی بۆ بنێرێت ، لە سكریپتی جووملەدا كارەكان بە تەواوی ڕێكخراون و تەنها بە چەند هەنگاوێك دەتوانێت پەڕەیەكی تایبەت بە پەیوەندیكردن بە ماڵپەڕەوە بنیات بنێیت .

 

وەك هەموو جارەكانی تر دەبێت لەم لینكەوە بگەینە بەڕێوەبەرایەتی

http://localhost/l4kurd/administrator

پاش نووسینی ناوو پاسۆرد كلیك لەسەر (چوونە ژورەوە) دەكەین

 

كاتێك دەگەین بە بەڕێوەبەرایەتی هەر وەك جاران لە لیستی سەرەوەدا كۆمەڵێك پێك هاتە دەبینین ئێمە ئەم جارە ماوسەكەمان دەخەینە سەر (پێوەكراوەكان) و لیستێكمان بۆ دەكرێتەوە دەچینە سەر بەشی (پەیوەندیەكان) لەوێش دوو هەلبژرادنی ترمان دەبێت كە ئێمە دووەم دانە كە نووسراوە (هاوپۆلەكان) هەڵدەبژێرین بۆ ئەوەی هاوپلۆلێكی نوێ زیاد بكەین .

 

سەرنج بدەن لێرەدا هیچ هاوپۆلێك بوونی نیە ، ئەم هاوپۆلانە بەكاردێت بۆ پەیوەستكردنی پەیوەندیەكان پێیەوە ، لێرەدا كلیك دەكەین لەسەر (نوێ) بۆ زیاد كردنی هاوپۆلێك ، وەك لەوێنەكەدا ئاماژەم پێداوە

 

ئەم ڕوكارە دێتە پێش دەبێت لە بەشی (سەردێڕ) ناوێك بۆ ناسینەوەی هاوپۆلەكە دابنێین ، وە لە خوارتریدا بە لاتینیش ووشەیەك كە باشتر وایە پێناسە بێت بۆ سەردێڕەكە بنووسین ، دواتر كلیك دەكەین لەسەر (پاشەكەوتكردن) ، ئەو پێكهاتانەی تریش بریتین لە چالاك كردن و دیاری كردنی ئاستی دەسەڵات بۆ بینینی هاوپۆلەكە لەلایەن بەكارهێنەرانەوە .

 

 

دواتر ئەم ڕوكارە دەبینین كە هاوپۆلەكەی تێدا دەركەوتوە كە دروستمان كرد ئێستا بۆ زیاد كردنی پەیوەندیەكە دەبێت كلیك بكەین لەسەر (پەیوەندیەكان) وەك لە وێنەكە ئاماژەم پێداوە

 

 

ئەمە ڕوكاری پەیوەندیەكانە وەك دەبینیت هیچ پەیوەندیەك بوونی نیە هەر بۆیە لێرەدا پەیوەندیەك بنیات دەنێین بە كلیك كردن لەسەر (نوێ)

 

 

ئەم ڕوكارە دەبینین پاش ئەوەی كلێك دەكەین لەسەر (نوێ) لە ڕاستیدا بەهۆی فراوانی كارەكانیەوە كردوومە بەسێ بەشەوە وەك دەبینین بەسێ خاڵ ئاماژەم پێداوە بەم جۆرە

 

 

ئەمە بەشی یەكەمە لە ڕوكارەكە ، ناو بە كوردی دەنووسین و نازناوەكەش بە لاتینی ، دواتر دۆخەكە دەكەین بە (بەلێ) بۆ بڵاوكردنەوەی پەیوەندیەكە ، دواتر ئەو هاوپۆلە هەڵبژێرە كە دروستت كردوە لە هەنگاوەكانی پیشودا ، بەم جۆرە كارەكانی سەرەتایی دروستكردنی پەیوەندیەكە تەواو بوو

 

 

ئەمە خاڵی دووەمە لە ڕوكارەكە كە زانیاری جۆراو جۆر زیاد دەكەین بۆ سەرەوەی فۆڕمی پەیوەندیەكە خۆكارانەیەو دەتوانرێت بە ویستی خۆت زانیاری جۆراو جۆر بنوسیت وەك شوێنی پاڵپشتی و ژمارەی مۆبایل و شوێنی بەڕێوەبەران و تا دوایی

 

 

خاڵی سێیەم و كۆتایی لە ڕوكارەكە ئەم شێوەی هەیە كە یارمەتی بەكاربەر دەدات بۆ ئەوەی بڕیار بدات چی لە فۆڕمی پەیوەندیەكەدا دەربكەوێت  بۆ ئەوەی ئەو كەسەی پەیوەندی دەكات بینوسێت ، واباشترە كەمترین داواكاری دەست نیشان بكەیت هەتا بە ئاسانی بتوانرێت پەیوەندی بكرێت بە ماڵپەڕەكەوە ، وەك دەبینن من تەنها دوو داواكاریم هەیە لەو كەسەی پەیوەندیم پێوە دەكات سەرنج بدەن

 

 

دواتر كلیك بكە لەسەر (پاشەكەوت كردن) و كۆتایی بەكارەكان بهێنە

ئێستا دەبێت دانەیەك لە لیستی سەرەكی (Mainmenu) دەست نیشان بكەیت بۆ ئەوەی پەیوەندیەكەی پێوە ببەستیت ، لە فێركاری نۆیەمدا بابەتێكم نووسیوە بە ناوی ( مینۆی سەرەكی و بەستنەوەی بە هاوپۆلەكانەوە ) لەوێدا ڕونكردنەوەی تەواوم لەسەر دروستكردن و بەستنەوەی دانەكان لیستەكە بە هاوپۆلەكانەوە نووسیوە ، تەنها شتێك كە دەگۆڕێت لە كارەكەدا ئەوەیە كە دەبێت لە جیاتی هەڵبژرادنی بابەتەكان تۆ پەیوەندیەكان هەڵبژیریت دواتر دوو بەشی تر دێتە بەرچاوت كە دەبێت لە هەڵبژرادنی دووەم كە هاوپۆلكراوە واتا ( ڕومەتی ئاسایی پەیوەندی ) هەڵبژیریت

 

لەم هەنگاوەدا كە پاش هەڵبژاردی ڕومەتی ئاسایی پەیوەندی دیتە ڕێت ، دەبێت سەردێڕێك بە كوردی و جێگیرە ناوێكیش بە (لاتینی) بنووسیت دواتر لە لای چەپەوە ئەو پەیوەندیە دەست نیشان بكە كە بەستمانەوە بە هاوپۆلەكەوە ، خۆكارانە لەو لیستەدا ئامادە دەبێت تەنها لەسەر ئێمە پێویستە كە دەست نیشانی بكەین و تەواو ، دەتوانیت هیچ شتێكی تر نەگۆرێت تەنها كلیك لەسەر (پاشەكەوت كردن) بكە

 

من دانەیەكم لە لیستی سەرەكی (پەیوەندی) بە ناوی پەیوەندی دروستكردبوو دواتر بەستمەوە بە ئەم هاوپۆلەوە بەو هەنگاوانەی ئێستا باسم كرد كەوایە دەبێت ڕوكاری پەیوەندیەكە لە دانەی لیستی پەیوەندیدا دەربكەوێت ، كاتێك كلیك دەكەم لەسەر ئەو دانەیە ئەنجامەكەی بەم جۆرە دەبینم .

 

 

تێبینی : ئەو نامانەشی كە لێرەوە ڕەوانە دەكرێت بەم فۆڕمەدا ڕاستەوخۆ دەگاتە ئەو ئیمێڵەی كە لەكاتی دامەزراندنی سكریپتەكەدا نووسیوتە خۆ ئەگەر بشتەوێت دەتوانێت ئەو ئیمیڵەش بگۆرێت بە هەر ئیمێڵێك كەمەبەستت بێت ، ئەم كارەش لە رێگای ڕێكخستنە گشتیەكانەوە دەكرێت .

بۆچوونه‌كان (0)add
بۆچوونێك زیاد بكه‌
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
بچوككردنه‌وه‌ی | گه‌وره‌كردنی ڕوبه‌ری نووسین

busy
 

Internet Explorer 6 (IE6). ئاگادارکردنەوە بۆ بەکارهێنەری

تکایە ئاگاداربە ئەم ڕوکارە بە تەواوی پاڵپشتی پراوسەرەکەت ناکات هەوڵ بدە بە پراوسەرێکی تر کار بکەیت یاخود ڤێرژنی پراوسەرەکە بەرز بکەوە بۆ بەرزتر لە ڤێرژنی نۆ

تەنها چارەسەر نوێکردنەوەی پراوسەرەکەتە ئەم پراوسەرە لەوانەی بەشێك لە ماڵپەڕەکەت پیشان بدات یاخود هەندێك لە ناوەڕۆکەکەی ببینیت بەڵام ئەمە تەواوی تایبەتمەندێتی ڕوکارەکە نیە

پێم باشە سەردانی ئەم لینکە بکەیت بەمەبەستی نوێکردنەوەی پراوسەرەکەت Internet Explorer.