لێره‌دایت : په‌ڕه‌ی سه‌ره‌تا » فێرکاری جوومله‌ » فێركاری یانزەیەم ( چالاككردنی ئیدیته‌رو نوسینی بابه‌تی پرۆفیشناڵ )
فێركاری یانزەیەم ( چالاككردنی ئیدیته‌رو نوسینی بابه‌تی پرۆفیشناڵ )
نووسه‌ری بابه‌ت: هۆشمه‌ند صاڵح   
ڕۆژی هەینی ، 01 / 05 / 2015 11:55
 

لەم بابەتەدا باس لە چۆنیەتی چالاككردنی ئەو كۆنترۆڵە دەكەین كە دەست دەگرێت بەسەر نووسینی بابەتەكاندا ، لە ڕاستیدا سكریپتی جووملە ئەم بوارەدا زۆر پیشكەوتوەو هیچ شتێك نیە كە لەكۆنترۆڵی نووسینەكەیدا بایەخی پێ نەدرابێت ، بە تایبەت پاڵپشت و پشتیوانی زۆربەی پاشگرەكانی فایل دەكات بۆ تێكەڵكردنی بە بابەتەكان وەك بەرهەمەكانی ئۆفیس و چارت و چەندین شتی گرنگی تر كە راستەوخۆ بە كلیك كردن لەسەر ئامرازی تایبەت بە فایلی مەبەست دەهێنرێتە ناو كاری ئیدیتەرەكەوە ، بەڵام مەرجی سەرەكی لەم كارەدا چالاككردنی ئەو ئیدیتەرەكە چونكە تایبەتمەندیەكانی لە باری ئاساییدا كەمە و ئەو توانایەی نیە كە باسم كرد .

بۆئەوەی بتوانین ئیدیتەرەكە بكەین بەوەی كە باسم كرد دەبێت سەرەتا بچینە كۆنترۆڵ پانیڵ هەر وەك جارەكانی پێشوو لەم لینکەوە

http://localhost/l4kurd/administrator

پاش نووسینی ناوو پاسۆرد كلیك لەسەر (چوونە ژورەوە) دەكەین

 

 

دواتر کاتێك ناوو پاسۆرد دەنووسین ئەم ڕوكارە دەبینیت و دەبێت لە تابی درێژكراوەكان بەشی ڕێكخستنی پێوەكراوەكان چالاك بكەیت بەم جۆرە

 

 

لێرەدا هەموو ئەو پێوەكراوانە دەردەكەون كە لە جووملەدا بەردەستن و تەواوی ئەو پێوەكراوانەش كە لە داهاتودا دادەمەزرێنرێت هەر لێرەدا دەردەكەون و دەبێت لێرەوە چالاك بكرێت ، لە ئێستادا ئەم پێوەكراوە خۆی لە گەڵ جووملەدا بوونی هەیە كاری ئێمە تەنها چالاككردنی و ڕێكخستنیەتی بۆ ئەم مەبەستە دەبێت ناوی پێوەكراوەكە بزانین كە دەناسرێتەوە بە (Editor - tinyMCE) وەك دەبینین لە وێنەكەشدا ژمارەكەی (12) لای من كلیكی لەسەر دەكەم

 

 

ئەمە ڕوی ڕێكخستنی پێوەكراوەكەیە دەبێت لە لای چەپەوە ئەودرۆب داون لیستە هەڵبژێرین ، وەك دەبینین بە سێ پلان ئیش دەكات هەر یەك لەو پلانانە جۆرێكە و دەتوانرێت بە ویستی خۆت یەكێكیان هەڵبژێریت ، ئەوەی من دەمەوێت لە ئێستادا پلانی (Extended) كە پرە لە تایبەتمەندی وەك پێشتر باسم كرد هەر بۆیە هەڵی دەبژێرم

 

 

پاش هەڵبژرادنی وەك لە وێنەكەدا دیارە ئێستا دەیپارێزم كارەكە بەم جۆرە كلیك لەسەر ( پاشەكەوتكردن ) دەكەم

 

 

ئێستا دەچین بەبەتێكی نوێ دەنووسین بزانین كارەكەمان چ ئەنجامێكی هەبووە هەر بۆیە كاتێك ڕوی كۆنترۆڵ پانیڵ دەبینین و كلیك دەكەین لەسەر ( بابەتێكی نوێ ) بەم شێوە

 

 

لێرەدا سەرنج بدەن بە تەواوی ئیدیتەرەكە گۆڕانكاری بەسەردا هاتوەو دەتوانین وەك بەرنامەی وۆرد و بگرە پێشكەوتوو تریش مامەڵەی لەگەڵدا بكەین من لێرەدا هەندێك شتم نووسیوە و دواتر ڕێكی دەكەم وەك لە وێنەكەدا دیارە

 

 

پێم باش بوو لێرەدا باسی تێكەڵكردنی وێنە بكەم بە بابەتەكان لە راستیدا مەرجی هەموو بابەتێكی پرۆفیشناڵ وێنەی لەگەڵدا بێت و ڕونكردنەوەی وێنەكان یاریدەدەرێكی زۆر باشە هەتا خوێنەر تێبگات مەبەستی تۆ چیە لە ناوەڕۆكی بابەتەكە وەك دەتوانین ڕەنگی نووسینەكە بگۆڕین بەهەر ڕەنگێك كەمەبەستمان بێت ، بۆیە ئاگاداربە چەندین ڕێگا هەیە بۆ تێكەڵكردنی وێنە بە بابەت بۆ نمونە لە ڕێگای (ڕەنگاڵەوە) لە دواتر باسی دەكەم یاخود لە ڕێگای (ئێف تی پێ ) كە دواتریش ڕونكردنەوە لەسەر ئەمەش دەنووسم یاخود لە ڕێگا كلاسیكیەكەی جووملە خۆیەوە دەتوانین وێنەكان تێكەڵ بە بابەتەكان بكەین من لێرەدا هەر ڕێگا ئاساییەكە بەكاردەهێنم كە بە دوو شێوە كارەكە دەكات .

لە باری یەكەمدا سەرەتا دەبێت وێنەكە بەرز بكەینەوە ناو سكریپتەكە بۆ ئەم مەبەستەش سەرنج لە بەشی خوارەوەی ئیدیتەرەكە بدە دوگمەیەك هەیە بەناوی (وێنە) كە دەتوانرێت وێنەكە بەرز بكەیتەوە بۆ ناو فۆڵدەری تایبەت لە سكریپتەكەدا ، دواتر باسی ئەمە دەكەم سەرنج لەم وێنەیە بدە .

 

 

بەڵام لێرەدا خۆی جووملە چەند وێنەیەكی تێدایە كاتێك دەمانەوێت وێنەیەكی ئامادەكراو كەلەناو سكریپتەكەدا یان پێشتر بە دووهۆكارەكەی پیشوو بەرزم كردوەتەوە بهێنمە ناو بابەتەكەوە ئەوا كلیك دەكەم لەسەر ئەو ئایكۆنی وێنەیە وەك لەم شێوەدا دەركەوتوە

 

 

دواتر ئەم ڕوكارەم بۆ دەكرێتەوە دەتوانین لینكی وێنەكە دەست نیشان بكەین ئەگەر زانیمان ، لە ڕاستیدا بە پێ ی كات شارەزایی لەم ئیشەدا پەیدا دەكەیت و دەتوانیت ڕاستەوخۆ شوێنی وێنەكان دەست نیشان بكەیت بۆ نمەنە من دەزانم وێنەكانم لێرەدا داناوە ( images/stories/ ناوی فۆڵدەری وێنەكە/ناوی وێنەكە  . پاشگرەكەی )

 

بەم شێوە دەردەچێت (images/stories/joomla/lee11/l4kurd (15).png)

 

سەرنج لەم وێنە بدە خاڵی یەكەم ئەو لینكەی تێدا دادەنرێت کە ئێستا باسم کرد ، خاڵی دووەم ڕونكردنەوەیەك بۆ وێنەكە دەنووسین كە ماوسەكە خرایە سەر وێنەكە ئەو ڕونكردنەوەیە پیشان بدات ، خاڵی سێیەم ناوێك بۆ وێنەكە دەنووسین كە دەتوانرێت ئەو ناوە لە ژێرەوەی وێنەكە دەربخرێت لە ناو بابەتەكدا ، ئەگەر ئەو هەنگاوانەت بە سەر كەوتوانە ئەنجام دا ئەوا دووەم تاب جالاك بكە كە نووسراوە (appearance) كەلەڕێگایەوە دەست دەگرێت بەسەر شێوەی دەركەوتنی وێنەكەدا .

 

 

پاش ئەوەی ئەو تابەمان چالاك كرد ئێستا بەچەند خاڵێك ڕونكردنەوەی كارەكەی بە ئەنجام دەگەیەنین ، خاڵی یەكەم ، دەتوانیت بەهۆی ئەو درۆپ داونەوە بڕیار بدەیت كە وێنەكە بكەوێتە كوێ نوسینەكانەوە بۆنمونە لای راست یان چەپ یان ناو تێكستەكە یان خواری تێكستەكە ، دانەدانە تاقیان بكەوە هەتا شێوەیەكی گونجاوت بەردەست دەبێت ، من لێرەدا چەپم هەڵبژرادوە ، خاڵی دووەم ئەو بۆشاییە دەست نیشان بكە كە دەكەوێتە نێوان تێكستەكە و وێنەكەوە ئەم كارە بۆ ئەوە دەكرێت كە تێكستەكەو وێنەكە كەمێك دوربن لەیەك وەك جوانكاریەك بۆ بابەتەكە وایە ، سەرن لە خاڵی سێیەم بدە ڕاستوخۆ گۆڕانكاریەكان جێ بەجێ دەبێت و دەتوانیت ئەنجامەكە ببینیت لەوێدا ، لە كۆتاییدا كلیك بكە لە سەر (Update) و كارەكە بە كۆتا بگەیەنە

 

 

ئەمە ئەنجامی كارەكەیە

 

 

لێرەدا خاڵێكی گرنگ هەیە كە باسی بكەم ئەویش ئەوەیە كە هەموو بابەتێك درێژەی هەیە دەبێت جیابكرێتەوە لە كورتەكەی ، ئەم كارە لە سكریپتی جووملەدا زۆر ئاسانە و بەتەواوی ئامادەیە ، سەرنج لەم وێنە بدە ، كراوە بە دوو بەشەوە من تێكستێكی زۆرم نووسی دواتر لە شوێنێكدا كە پێم باشبوو بیکەم بەسەربابەتێك بۆ ناوەڕۆکەکەی كلیكم كرد و دواتر لەبەشی خوارەوەدا كلیكم كرد لەسەر (درێژەی بابەت) وەك دەبینین بە هێڵێكی پچر پچر كراوە بە دوو بەشەوە ئەوە واتای ئەوەیە ئەو بەشەی خوارەوە دەرناكەوێت هەتا كلیك نەكەین لەسەر وشەی درێژەی بابەت ، واتا خاڵی یەكەم ڕاستەوخۆ دیار دەكەوێت و خاڵی دووەم بە كلیك كردن لەسەر درێژەی بابەت دەردەكەوێت .

 

 

وەك لە بابەتی پیشودا باسم كرد شوێن و هاوپۆل و بەشەكەی بۆ دیاری بكە هەتا بابەتەكە لەو شوێنەدا جێگیر بێت ، بەسێ خاڵ كارەكەم ئەنجام داوە لە بابەتی پیشویشدا باسم كرد ئەگەر نەتوانی كارەكە بكەیت سەرنج لە بابەتی پێشوو بدە

 

 

سەرنج لەبەشی سەرەوەی ئەم ئیدیتەرە بدە تولێكی تێدایە بەم جۆرەیە ، كە ئامرازە یاریدەدەرەكانی تێدا جێگیر كراوە ، بۆنمونە پیش ئەوەی تۆ بابەتەكە پاشەكەوت بكەیت و بڵاوی بكەیتەوە دەتوانیت كلیك بكەیت لەسەر (پیشبینین) ناوەڕۆكە نووسراوەكە ببینیت هەتا ئاگاداربیت لەكەم و كوڕیەكانی پێش ئەوەی بڵاوی بكەیتەوە ، ئەوانی تریش كارەكانی دیارە ، من لێرەدا ڕاستەوخۆ كلیك دەكەم لەسەر (پاشەكەوتكردن)

 

 

بۆبینینی ئەنجامی كۆتایی كارەكەمان سەرنج بدە لە ماڵپەڕەكە ئەو بەشە بكەوە كە بابەتەكەت بۆ ناردبوو ، من لێرەدا وەك دەبینین بابەتەكەم داناوە سەرنج بدەن ئەو بەشەی كە دام نابوو دەربكەوێت دەركەوتوەو و ئەو بەشەی كە دامنابوو ببێت بە درێژەی بابەت ئەوا دیار نیە دەبێت كلیك بكەیت لەسەر دوگمەی (درێژەی بابەت) لێرەدا من كلیك دەكەم لەو دوگمەیە بزانم كارەكەم بەچی گەیشتوە

 

 

سەرنج بدەن ئەوا هەموو بابەتەكەیە پاش ئەوەی كلیكم كرد لەسەر درێژەی بابەت

 

بۆچوونه‌كان (0)add
بۆچوونێك زیاد بكه‌
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
بچوككردنه‌وه‌ی | گه‌وره‌كردنی ڕوبه‌ری نووسین

busy
 

Internet Explorer 6 (IE6). ئاگادارکردنەوە بۆ بەکارهێنەری

تکایە ئاگاداربە ئەم ڕوکارە بە تەواوی پاڵپشتی پراوسەرەکەت ناکات هەوڵ بدە بە پراوسەرێکی تر کار بکەیت یاخود ڤێرژنی پراوسەرەکە بەرز بکەوە بۆ بەرزتر لە ڤێرژنی نۆ

تەنها چارەسەر نوێکردنەوەی پراوسەرەکەتە ئەم پراوسەرە لەوانەی بەشێك لە ماڵپەڕەکەت پیشان بدات یاخود هەندێك لە ناوەڕۆکەکەی ببینیت بەڵام ئەمە تەواوی تایبەتمەندێتی ڕوکارەکە نیە

پێم باشە سەردانی ئەم لینکە بکەیت بەمەبەستی نوێکردنەوەی پراوسەرەکەت Internet Explorer.