لێره‌دایت : په‌ڕه‌ی سه‌ره‌تا » زانستی ئای تی » ئەلیکترۆنیك » چۆن تەزووی کارەبا دەگات پێمان ؟ چۆن دەتوانین سوودی لێوەربگرین ؟
چۆن تەزووی کارەبا دەگات پێمان ؟ چۆن دەتوانین سوودی لێوەربگرین ؟
نووسه‌ری بابه‌ت: هۆشمه‌ند صاڵح   
ڕۆژی هەینی ، 03 / 07 / 2015 11:27
 

لە فێركاریەكانی پێشوودا باسی ئەوەم كردبوو كە ئەمێرە ئەلیكترۆنیەكان بەتەواوی پشت بە ووزەی نەگۆڕ (DC) دەبەستن و بەهیچ جۆرێك مامەڵە لەگەڵ ووزەی گۆراودا (AC) ناكەن لە كاتێكدا هەموو سەرچاوەی ووزەكان بە تەزووی گۆراو دەگات بە دەستمان ، ئەم وتەیەش واتای وایە كە دەبێت ئامرازێك هەبێت تەزووە گۆراوەكەمان بۆ بكات بە نەگۆڕ هەتا بتوانین سودی لێوەربگرین لە ئامێرە ئەلیكترۆنیەكاندا .

ووزەی نەگۆڕ (Direct Current (DC لە لایەن (Thomas Edison) بۆ یەكەم جار خرایە خزمەتی مرۆڤایەتیەوە بەهۆی بەرهەم هێنانی ڕوناكەرەوە كە لەم وزەوە سوودی وەردەگرت بەڵام دەبێت ئەوە بزانین كە بڕی تێچوون و لە دەست چوون لە تەزوەدا ئێجگار زۆرە و دەبوایە هەر شوێنگرەوەیەكی بۆ دابنرێت ، هەربۆیە زانا (Nikola Tesla) تەزووی گۆڕاوی (Alternating Current (AC دۆزیەوەو هەمان كارەكەی ئەدیسۆنی پێدەكرا بەو پەڕی باشیەوە ئەم كارەش بوە بۆوە هۆی ئەوەی ئەم دوو زانایە بكەونە كێ بڕكێ لەسەر پرۆژەكە لە كۆتاییدا زانا تێسلا بیرۆكەكەی سەركەوتوو تربوو ئەگەرچی بەتەواوی جێگای مەترسی بوو بەكارهێنانی ئەم تەزووە بەڵام هەر جێگای خۆی گرت و كارەكەی ئەگەر زیات نەبوبێت كەمتر نەبوو لە زانا ئەدیسۆن ، لەگەڵ ئەوەشدا زانا ئەدیسۆن هەر بیرۆكەكەی وەك خۆی مایەوە تەنها شتێكی كە بۆی زیاد كرا گواستنەوەی وزەكە بوو بۆ شوێنە دوورەكان بەهۆی بیرۆكەكەی زانا تێسلاوە .

سەرەتا دەبێت ئەوە بزانین ئەو ووزەیەی كەلە سەرچاوەی بەرهەم هێنانەوە بۆمان دەگوازرێتەوە بە ڤۆڵتیەیەكی ئێجگار بەرز و تەزوێكی كەمە واتا لەم كاتەدا هیچ سودێكی بۆ بەگەرخستنی ئامێرێكی ئەلیكتۆنی یان میكانیكی نیە ئەم تەكنیكەش بۆیە بەكاردێت هەتا كەمترین بڕی تەزوو لە دەست بچێت كاتێك بۆ ماوەیەكی دوور تەزووەكە دەگوازینەوە ، وە گرنگترین هۆكاریش بۆ گواستنەوەی ئەم ڤۆڵتیە بەرز بۆ شوێنە دورەكان تەكنیكی (Three phase) كە وا لە گەیەنەرەكە دەكات بە گوژمەیەكی ئێجگار بەرز وزەكە بگوازرێتەوەو كەمترین بڕ لە دەست بچێت لەگەڵ ئەوەشدا هێشتا هەر تەزوو بڕێكی لەدەست دەچێت و ناكرێت ڕێگری لە بڕەكە بكەیت كە هۆكارەكانی وەك پلەی گەرما و جۆری گوێزەرەوەكەش كاریگەری خۆی هەیە دەبیتە هۆكارێكی تری لە دەست چونەكە .

كاتێك ووزە لە سەرچاوە بنەڕەتیەكەوە بە تەكنیكی (Three phase) دەگوازرێتەوە بۆ شارەكان ئەوا بە هۆی بوونی (Transformer) گەوەرەوە مامەڵەكردنی ئێمە لەگەڵ تەزوەكەدا دەست پێدەكات و مەگەر دووبارە شوێنێكی دوور مەبەستمان بێت ئەگەرنا هەر بە تەكنیكە ئاساییەكە واتا تەنها هێڵی گەرم وزە دەگوازرێتەوە بۆ گەڕەكەكان .

خۆئەگەر ناوچەیەك پێویستبكات وزەیەكی زۆری بۆ بنیرین ئەوا دیسان پەنا دەبەینەوە بەر تەكنیكی (Three phase) بەڵام دەبێت بەتەواوی لە دەستی دانیشتوان دور بێت چونكە بەراستی جێگای مەترسیە و هەر بەركەوتنێك كارەساتی بەدواوە دێت .

تەكنیكی (Three phase) چیە ؟

كاتێك تەزوو بە وایەرێكی گەیەنەردا دەگوازرێتەوە لێشاوێكی موگناتیسی بە دەوری گەیەنەرەكەدا دروست دەبێت كە مایەیی لە دەستدانی ووزەیەكی زۆرە ، جا ئەم تەكنیكە سێ گەیەنەر بە گۆشەیەكی یەكسان و نزیك لەیەك جێگیر دەكرێت و تەزوی پێدا ئاراستە دەكرێت كەوا لە گەیەنەرەكە دەكات تەنها یەك لێشاو لە بواری موگناتیسی دروست بێت و كەمترین بڕی تەزوو لە دەست بدات ئەمەو سەرباری یاریدەدەرێكی زۆر باشە بۆ بەهێز مانەوەی بڕی ئەو ڤۆڵتیە بەرزەی كە بە گەیەنەرەكاندا دەگوازرێتەوە لەو كاتەدا .

پاش ئەوە تەزوو لەیەك سەرچاوەوە دەگاتە ناوەندی گۆڕێنەر كە لای خۆمان بە(وێستگە) ناودەبرێت ئەوا بەهۆی بوونی گۆڕێنەری (Transformer) یان كە لە ناوخۆدا پێ ی دەوترێت (محاویلە) گەورەوە ڤۆڵتیەكەی دادەبەزێنن و تەزوەكەشی جێگیر دەكەن لە ولاتی خۆماندا ڤۆڵتیە (220) ڤۆڵت و تەزوویش بە لەرەلەری (60) مێگا هێرتز دادەنرێت دواتر ڕاستەوخۆ بەسەر ماڵەكاندا دابەش دەكرێت و سوودی ڕاستەخۆی لێوەردەگیرێت ، هەندێك ئامێری ئامراز بزۆك وەك (پانكە ، مبریدە ... هتد) كە تەواو میكانیكین ڕاستەوخۆ بەم وزەیە كاردەكەن و پێویست بە هیچ گۆڕینێك ناكات .

پرسیارەكە لێرەدایە ئایا ئەم وزەیە چۆن ئامێرە ئەلیكترۆنیەكان سوودی لێ وەردەگرن ؟

لە ڕاستیدا هەموو ئامێرێكی ئەلیكترۆنی كە دروست دەكرێت بە پێ ی ئەو پێكهاتانەی كە لە ئامێرەكەدا هەیە وزەی پێویستی دەبێت بۆ دابین بكرێت بەڵام پێك هاتە ئەلیكترۆنیەكان بە هیچ شێوەیەك مامەلە لەگەڵ تەزووە گۆراوەكەدا ناكەن و دەبێت بیگۆرێت بۆ نەگۆڕ .

هەربۆیە لەیەكەم دەروازەی چونە ناو ئامێرەكەوە دیسان وایەری گەیاندن ڕووبەڕووی گۆرێنەرێك (Transformer) دەبێتەوە كە وا لە لە ڤۆڵتیە (220) دەكات زیاتر دابەزێنرێت بە پێ ی پێویست ، هەر لە یەكەم دەرچوونی دوای (Transformer) دیسان گەیەنەرەكە ڕووبەڕروی پێكهاتەیەك دەبێتەوە كە ناودەبرێت بە (Diode bridge) لە چوار دایۆد پێك هاتووە و تەنها فرمانیان گۆڕینی ئەو ڤۆڵتیە گۆڕاوەیە بۆ ڤۆڵتیەیەكی جێگرو بەیەكجاری بەشە سالبەكەی پەڵسەكە لادەبات ، ئەم كارەش زۆر ئاسانەو هیچ قورسیەكی تێدا نیە ، بەڵام پاش ئەم كارەش هەست بە بوونی چەند وردە پەڵسێك دەكرێت واتا زۆر ڕێك نیە تەزووە نەگۆڕەكە هەر بۆیە پەنا دەبرێتە بەر چەند كۆمپاونتێك كە كاریان ڕاستكردنەوەی ئەو وردە پەلسانەیە وەك كاپاسیتەر (Capacitor) و هەروەها بۆ دەستكەوتنی بڕێكی تەواو لە ڤۆڵتیە وەك (Linear regulator 78xx) و (Linear regulator 78xx) بەڵام بۆ ورد كردنەوەی ڤۆڵتیەكەی بۆ یەكەی ئێجگار بچوكتر ئەوا پەنا دەبرێتە بەر بەكارهێنانی بەرگریەكان (Resistor) كە گرنگترین پێكهاتەن لە ئەلیكترۆنیاتدا .

تێبینی / هەندێك جار لە ئامێرێكی ئەلیكترۆنیدا پیویست بە سەرچاوەیەكی گۆراو دەكرێت بۆ بەگەڕخستنی بەشێك لە پێكهاتەكەی بەڵام ڤۆڵتیەیەیەكی بەرزی ناوێت ئەم كارەش بێگومان هەر لە رێگای (Transformer) بەدی دێت بەڵام راستەوخۆ پاش دەرچووی گەیەنەرەكە لە (Transformer) ناگات بە (Diode bridge) بەڵكو دەگاتە ئەو شوێنەی كەمەبەستە ، دەبێت ئەوەش بزانین كە تەزووی گۆراو بە بەراورد بە نەگۆڕ زۆر بەتواناترە و بڕی لەدەستدانی ڤۆڵتیەی تێدا زۆر كەمە لە كاتی بەكارهێنانیدا .

لە فێركاریەكانی داهاتوودا یەك بەیەك باسی هەموو پێكهاتە ئەلیكترۆنیەكان دەكەم چاوەڕوان بن .

بۆچوونه‌كان (0)add
بۆچوونێك زیاد بكه‌
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
بچوككردنه‌وه‌ی | گه‌وره‌كردنی ڕوبه‌ری نووسین

busy
 

Internet Explorer 6 (IE6). ئاگادارکردنەوە بۆ بەکارهێنەری

تکایە ئاگاداربە ئەم ڕوکارە بە تەواوی پاڵپشتی پراوسەرەکەت ناکات هەوڵ بدە بە پراوسەرێکی تر کار بکەیت یاخود ڤێرژنی پراوسەرەکە بەرز بکەوە بۆ بەرزتر لە ڤێرژنی نۆ

تەنها چارەسەر نوێکردنەوەی پراوسەرەکەتە ئەم پراوسەرە لەوانەی بەشێك لە ماڵپەڕەکەت پیشان بدات یاخود هەندێك لە ناوەڕۆکەکەی ببینیت بەڵام ئەمە تەواوی تایبەتمەندێتی ڕوکارەکە نیە

پێم باشە سەردانی ئەم لینکە بکەیت بەمەبەستی نوێکردنەوەی پراوسەرەکەت Internet Explorer.